Açiq mənbələrdən foto.
Bakı/22.09.23/Turan: 2023-cü ilin yanvar-avqust aylarında Azərbaycana 183 ölkədən 1 milyon 343,7 min əcnəbi və ya vətəndaşlığı olmayan şəxs gəlib ki, bu da ötən ilin eyni dövrü ilə müqayisədə 33 8 faiz çoxdur. Bu barədə Dövlət Statistika Komitəsinin məlumatında deyilir.
Gələnlərin 31,7 faizi Rusiya, 17,7 faizi Türkiyə, 7,5 faizi İran, 4,9 faizi Hindistan vətəndaşıdır.
Dövlət Statistika Komitəsi həmçinin qeyd edib ki, ölkəyə gələn Çin vətəndaşlarının sayı 8,2 dəfə, Türkmənistan- 3,2 dəfə, Hindistan- 2,4 dəfə, Özbəkistan- 1,8 dəfə, Qazaxıstan- 1,8 dəfə, Belarus vətəndaşlarının sayı 1,7 dəfə artıb.
MDB ölkələrindən gələnlərin sayı 1,6 dəfə, Avropa İttifaqı ölkələrindən gələnlərin sayı 37,8 faiz artıb.
Xarici ölkələrə gedən Azərbaycan vətəndaşlarının sayı 1 milyon 209 min nəfər təşkil edib ki, bu da ötən ilin analoji dövrü ilə müqayisədə 23 faiz çoxdur.
Rusiya Federasiyasına gedənlərin sayı 1,5 dəfə, Gürcüstana gedənlərin sayı 33,6 faiz, Türkiyəyə gedənlərin sayı 13,7 faiz artıb. İrana gedənlərin sayı 20 faiz azalıb.
Qeyd edək ki, koronavirus pandemiyası ilə əlaqədar 2020-ci ilin martından Azərbaycanın quru sərhədləri bağlıdır. 06B
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz