Azadliq.org
Əfqan Muxtarlı 21 kilo arıqlayıb
Bakı/29.07.17/Turan: Həbsdəki jurnalist Əfqan Muxtarlını həkimlər müayinə ediblər. Onun mədəsində "qastrit" yarandığı bəlli olub.
Bu haqda Azadlıq Radiosuna bu gün, iyulun 28-də Bakı İstintaq Təcridxanasında jurnalistlə görüşən vəkili Zibeydə Sadıqova məlumat verib.
Ə.Muxtarlının ürəyində də problemlər yarandığı bildirilir.
"Ə.Muxtarlının nəbzi də yoxlanılıb. Onun ürək ritmlərinin normadan artıq oldyğu müəyyən edilib", deyən vəkilin sözlərinə görə, Ə.Muxtarlı ciddi çəki itirib. Həbs edildikdən sonra çəkisi 21 kiloqram azalıb.
Vəkilin sözlərinə görə, jurnalisti müayinə edən həkimlər onın müalicəsi üçün respept yazıblar. Ancaq onun dərmanlarla təchiz edilməsi ilə bağlı hər hansı addım atılmayıb.
Z.Sadıqova Ə. Muxtarlının telefonla qanuni maraq kəsb edən şəxslərlə danışmasına yasağın hələ də qaldırılmadığını, həyat yoldaşı, bacısı ilə danışa bilmədiyini bildirib.
Gürcüstandan oturum izini alan jurnalist Ə.Muxtarlı mayın 29-u müəmmalı şəkildə Azərbaycanda həbs edilib. Ə.Muxtarlının bildirməsinə görə, Tbilisidə saxlanarkən ona işgəncə verilib. Sərhədə gətirilərək Azərbaycana təhvil verilib. Onun deməsinə görə, sərhədə cibinə 10 min avro da qoyulub.
Jurnalist Cinayət Məcəlləsinin 315.2-ci maddəsi ilə hakimiyyət nümayəndəsinə müqavimət və ya zor tətbiq etmədə ittiham olunur. Bundan başqa, ona 318.1, 206.1 maddələr ilə - sərhədi qanunsuz keçmə və qaçaqmalçılığa görə də ittiham irəli sürülüb.
Bakıda rəsmi qurumlar iddia edir ki, Ə.Muxtarlı sərhədi qanunsuz keçərkən Azərbaycan ərazisində saxlanıb və bu məsələnin siyasiləşdirilməsi düzgün deyil. Məhkəmənin qərarı ilə ona ilkin istintaq dövründə 3 aylıq həbs cəzası verilib.
Ə.Muxtarlı iki ildən çoxdur Gürcüstanda yaşayırdı. O, Azərbaycanda təqib olunduğunu bildirmişdi. Ə.Muxtarlıbir sıra araşdırma yazılarının da müəllifi idi.
-
- Sual-cavab
- 29 İyul 2017 11:30
-
- Siyasət
- 29 İyul 2017 11:50
Cəmiyyət
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
-
Mayın 3-də Bakıda və Abşeron yarımadasında temperaturun aşağı düşəcəyi və havanın yağıntılı olacağı gözlənilir. Sinoptiklərin proqnozuna görə, cümə günü axşam yağış yağacağı gözlənilir. Güclü şimal-qərb küləyi əsəcək.
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
Rəy yaz