Афган Мухтарл
Bakı/09.02.18/Turan: Fevralın 8-də qohumlarının dəfnində iştirak etmək üçün təcridxanadan iki günlük buraxılmış Əfqan Muxtarlı bu gün vaxtından əvvəl Şəki Penitensiar Kompleksinə qaytarılıb.
O, fevralın 8-də iki günlük buraxılmışdı və məzuniyyət müddəti fevralın 10-da səhər başa çatırdı.
Amma bu gün günorta onu tələsik təcridxanaya aparıblar.
Vəkil Nemət Kərimli bunun səbəbini söyləməyə çətinlik çəkib.
"Yalnız onu deyə bilərəm ki, bu, qeyri-insani addımdır", deyə Kərimli Turan-a müxbiri ilə söhbətində bildirib.
Müşahidəçilərin fikrincə, Muxtarlının vaxtından əvvəl qaytarılması KİV-ə verdiyi müsahibələrdə hakimiyyəti tənqid etməsi və ona qarşı ittihamları ifşa etməsidir.
Xatırladaq ki, Muxtarlı 2017-ci il mayın 29-da Tbilisidə Gürcüstan polis əməkdaşları tərəfindən oğurlanıb və Azərbaycan hakimiyyətinə təhvil verilib. Bu zaman onun cibinə 10 min avro qoyulub və o, sərhədi qanunsuz keçməkdə və qaçaqmalçılıqda ittiham olunub. Yanvarda məhkəmə onu 6 il müddətinə azadlıqdan məhrum edib.
Muxtarlı Bakıda təqiblərə məruz qaldıqdan sonra Tbilisidə köçüb və Azərbaycanın müxalif nəşrləri ilə işləyib, Azərbaycan hakimiyyətinin yüksək eşelonlarında korrupsiya faktlarını araşdırıb. -B06-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz