Bakı/06.06.17/Turan: Jurnalist Əfqan Muxtarlıya qarşı cinayət işi Dövlət Sərhəd Xidmətindən alınaraq Baş Prokurorluğun Ağır Cinayətlər üzrə İstintaq İdarəsinə verilib. Bu barədə Turan-a vəkil Osman Kazımov bildirib.
O qeyd edib ki bu gün Bakı Apellyasiya Məhkəməsində jurnalistin həbsilə bağlı apellyasiya şikayətinə baxılması formal olub.
Məhkəmə qərarı bir təklif ilə ifadə olunub - imtina etmək. Vəkilin sözlərinə görə, müdafiə tərəfi həbs qətimkan tədbirinin ev həbsilə əvəzlənməsi barədə vəsatət qaldırıb və Ə.Muxtarlının "zərər çəkən" sərhədçi ilə üzləşməsi barədə protokol istəyib.
"Əgər protokol məhkəməyə təqdim edilsəydi, məlum olardı ki, sərhədçiyə heç bir bədən xəsarəti yetirilməyib", - vəkil vurğulayıb.
Müdafiə tərəfi Balakən rayonunda sərhəd-nəzarət məntəqəsindəki müşahidə kamerasından görüntülər barədə vəsatət qaldırıb. Bu, jurnalistin həmin keçiddən keçirildiyini sübut etmiş olurdu. Ancaq hakim vəsatətləri təmin etməyib. 06C-
* * *
2017 İyun 06 (Çərşənbə axşamı) 15:04:12
Apellyasiya Məhkəməsi Əfqan Muxtarlını həbsdə saxlayıb
Bakı/06.06.17/Turan: Bu gün Bakı Apellyasiya Məhkəməsində hakim İlqar Murquzovun sədrliyi ilə Əfqan Muxtarlı barəsində Səbail Rayon Məhkəməsinin qərarından verilən şikayətə baxılıb.
Şikayət təmin edilməyib. Birinci instansiya məhkəməsinin qərarı qüvvədə qalıb.
Muxtarlı mayın 29-da Gürcüstanda yoxa çıxıb, növbəti gün isə Azərbaycanda ona qarşı sərhədi pozma, qaçaqmalçılıq, sərhəd xidmətçisinə qarşı zorakılıq ittihamları irəli sürülüb və həbs olunub.
Muxtarlı ittihamları təkzib edib və bildirib ki, Gürcüstanda həbs edilib və Azərbaycan hakimiyyətinə təhvil verilib.
Muxtarlının həmkarları əmindirlər ki, o, hakimiyyətin yüksək eşelonlarında korrupsiya faktları və insan hüquqlarının pozulması faktları ilə bağlı jurnalist araşdırmalarına görə siyasi motivlərlə təqib olunur.
ABŞ və Aİ oğurlanma haqqında məlumatları araşdırmağa və Muxtarlını azad etməyə çağırıblar. -16D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz