Bakı/08.05.23/Turan: Dövlət başçısının bugünki fərmanı ilə əfv olunanlar arasında siyasi məhbuslar da var. Bu, Vətəndaş və İnkişaf Partiyasının lideri Əli Əliyev və Sumqayıtdan olan hüquq müdafiəçisi Elçin Məmməddir.
Həmçinin “Tərtər işi” adlanan 4 məhkum - Nüsrət Qurbanov, Vaqif Əliyev, Hacıyev Süleyman və Seymur Həsənov da əfv olunub.
Bundan başqa, “Gəncə işi” üzrə təqsirləndirilən iki nəfər – Samir İbrahimov və Həbib Qurbanov da əfv edilib.
Amma siyahıda "Nardaran işində" həbs olunların adı yoxdur.
Həmçinin, son illər kütləvi repressiyalara məruz qalan Xalq Cəbhəsi Partiyasının onlarla fəalı əfv olunmayıb.
Siyahıda jurnalistlərin və blogerlərin, habelə Almaniyadan deportasiya olunduqdan sonra uydurma narkotik ittihamı ilə həbs edilmiş siyasi fəalların adları yoxdur.
"Bu əfv siyasi məhbus problemini həll etməyib və onu humanizm aktı adlandırmaq olmaz", deyə "Müdafiə Xətti" hüquq müdafiə təşkilatının lideri Rüfət Səfərov bildirib.
Eyni zamanda, dövlət başçısı ağır cinayətlərə - korrupsiya, pul tələb etmə və şantaja görə həbs edilmiş müdafiə nazirinin keçmiş müavini Rafiq Bayramovu və ləğv edilmiş Milli Təhlükəsizlik Nazirliyinin keçmiş zabitləri Azər Mehdiyevi və Zaur Mehdiyevi əfv edib. 02B
* * *
2023 May 08 (Bazar ertəsi) 10:05:38
Azərbaycanda 801 məhkum əfv edilib
Bakı/08.05.23Turan: Azərbaycan prezidenti İlham Əliyev əfv sərəncamı imzalayıb.
Sərəncama əsasən, 801 məhkum əfv olunmuş, onlardan 463 şəxs azadlıqdan məhrumetmə cəzasından, 220 şəxs azadlıqdan məhrumetmə cəzasının çəkilməmiş hissəsinin yarısından, 118 nəfər azadlıqdan məhrumetmə ilə bağlı olmayan digər cəzalardan (azadlığın məhdudlaşdırılması, islah işləri, cərimə cəzaları və cəzaya şərti məhkum edilmiş şəxslər) azad edilib.
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz