![Əhsən Nuruzadənin şikayəti təmin olunmadı](https://turan.az/resized/750/500/resize/media/2017/main/101600005005.jpg)
Əhsən Nuruzadənin şikayəti təmin olunmadı
Bakı/16.10.17/Turan: Oktyabrın 16-da Bakı Apellyasiya Məhkəməsi "Müsəlman Birliyi" Hərəkatının üzvü, Nardaran hadisələri ilə bağlı məhkəmələrin fəal iştirakçısı olan Əhsən Nuruzadənin şikayətinə baxıb. Bu haqda vəkil Yalçın İmanov bildirib.
Onun sözlərinə görə, şikayət Nərimanov Rayon Məhkəməsinin Ə.Nuruzadə ilə bağlı oktyabrın 9-da verdiyi həbs qətimkan qərarından olub. Belə ki, müdafiə tərəfi bu qərarı əsassız sayıb. Şikayət oktyabrın 11-də verilib və şikayətə bu gün baxılıb: "Proses zamanı Ə.Nuruzadənin inzibati həbs edilməsi, DİN-in Mütəşəkil Cinayətkarlıqla Mübarizə Baş İdarəsinə aparılması haqda məlumat verdim və dindar fəalın qurama ittihamlarla həbs edildiyini bildiridim".
Y.İmanov hakim Abid Abdinbəyovun sədrlik etdiyi məhkəmə heyətinin şikayəti təmin etmədiyini söyləyib.
Vəkil Ə.Nuruzadənin müdafiəsi ilə bağlı hüquqi prosedurların davam etdiriləcəyini, yaxın günlərdə Avropa Məhkəməsinə şikayət edəcəklərini, dindar fəalın ev dustaqlığına buraxılması üçün vəsatət verəcəklərini də qeyd edib.
Xatırladaq ki, həbsdəki ilahiyyatçı Taleh Bağırovun tərəfdarı olan Ə.Nuruzadə ilk dəfə 2017-ci il yanvarın 24-də evinin yaxınlığında tutulub, 10 sutka inzibati cəza alıb, daha sonra sentyabr ayında saxlanıb.
Sonuncu dəfə oktyabrın 6-da tutulan Ə.Nuruzadə barəsində Nərimanov Rayon Məhkəməsi narkotik maddə satışı ittihamı ilə oktyabrın 9-da istintaq dövrü üçün 4 aylıq həbs-qətimkan tədbiri seçib və o, BMCMİ-dən Kürdəxanı təcridxanasına aparılıb. -05B-
-
- Cəmiyyət
- 16 Oktyabr 2017 17:02
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz