EİTİ üzrə Koalisiya Şurası çoxtərəfli qrupun iclasının baş tutmadığını bildirib
Fevralın 2-də Mədən Sənayesində Şəffaflıq Təşəbbüsü Çoxtərəfli Qrupunun iclası baş tutmayıb, bu barədə Mədən Sənayesində Şəffaflığın Artırılması üzrə Koalisiya Şurasının bəyanatında deyilir.
Turan-ın məlumatına görə, bunun səbəbi keçmiş ÇTQ üzvü Əliməmməd Nuriyevin qrupun iclasında əsassız iştirakı və onun gündəliyin təsdiq olunmasına mane olmaq cəhdləri, habelə Nuriyevin iclasda iştirakı üçün şərait yaratmış ÇTQ sədri Şahmar Mövsümovun hərəkətləri olub.
EİTİ standartına, qarşılıqlı anlaşma memorandumuna əsasən ÇTQ tərkibi hər il yenilənir və təsdiq olunur.
Hazırki halda Koalisiya Şurası ÇTQ-yə 6 üzv seçib və müvafiq sənədləri EİTİ katibliyinə göndərib, amma fevralın 2-də keçirilən iclasa yeni üzvlərin yanaşı, keçmiş üzvlər də dəvət olunub.
ÇTQ reqlamentinin pozulmasına etiraz əlaməti olaraq Koalisiya Şurasından yeni seçilən üzvlər iclası tərk ediblər.
"MSŞA Koalisiya Şurası hesab edir ki, Çoxtərəli Qrupun iclasının bu tərkibdə təşkil edilməsi və iclasın gündəliyinin ÇTQ üzvü olmayan, səlahiyyət müddəti bitmiş 1 nəfərin təzyiqləri altında dəyişdirilməsi MSŞT standartının 1.4. a) bəndinin, Anlaşma Memorandumunun və Çoxtərəli Qrupun fəaliyyətinə dair reqlamentin tələblərinə tamamilə ziddir", deyə bəyanatda bildirilir.
Bəyanat müəlliflərinin fikrincə, bu, martın 8-9-da Boqotada keçiriləcək MSŞT üzrə Beynəlxalq İdarə heyətinin iclasında Azərbaycanın mövqeyini daha da zəiflədir.
Qeyd edək ki, EİTİ standartına əsasən, hökumətdən vətəndaş cəmiyyəti ilə əməkdaşlıq etmək, EİTİ-nin tətbiqinə nəzarət üzrə ÇTQ yaratmaq tələb olunur. Hökumət şəffaflığı və açıqlığı təmin etməli, bütün maraqlı tərəflərin iştirakına şərait yaratmalıdır. -71D-
-
- Cəmiyyət
- 3 Fevral 2017 13:22
-
- İqtisadiyyat
- 3 Fevral 2017 13:43
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz