Ekologiya və Təbii Sərvətlər Nazirliyi Xəzəri çirkləndirən bəzi istirahət mərkəzlərinin bağlanmasını istəyir
Bakı/30.07.19/Turan: Ekologiya və Təbii Sərvətlər Nazirliyi dənizin tullantı suları ilə çirkləndirilməsilə əlaqədar Xəzər sahilyanı zonada bəzi istirahət mərkəzlərinin fəaliyyətinin dayandırılması üçün məhkəmə iddiası qaldırıb.
İddia Xəzər dənizinin Bakı, Sumqayıt, şimal və cənub sahil zolağında fəaliyyət göstərən ictimai-iaşə obyektlərinə keçirilən reydlərdən sonra irəli sürülüb.
Nazirliyin nümayəndələri ekoloji normaların təminatı ilə bağlı bir müddət əvvəl verilən "məcburi göstərişlər"in icrasını yoxlayıblar.
Yoxlama zamanı müəyyən edilib ki, "Xaçmaz rayonundakı "Çıraqqala", "Jalə", Sumqayıtdakı "Duyğu", "Liman", "Atlantida", "Flaqman", "Narınqala", "Balıqçı", "Alma", "Neptun, "Antalya", "Qala", Bakıda "Mirvari", "Riyad park", "Caspian Beach", "1001 gecə", "Eldarado", "Dostluq", "Aquapark" istirahət mərkəzlərində bir müddət əvvəl verilən "məcburi göstəriş"lər yerinə yetirilməyib.
Bununla bağlı onların fəaliyyətinin dayandırılması barədə məhkəmədə vəsatət qaldırılıb.
Bundan əlavə, Nabranda fəaliyyət göstərən "Lotos", "Ulduz", Sumqayıtda "Katamaran", "Sahil", "Diana", Bakıda"Bizim sahil", "Xəzər", "Türkan", "Simurq", "Voyage", "Qala"və "Antalya" istirahət mərkəzlərində, Lənkəran-Astara zonasında isə "Dağlar oğlu", "Həsirli", "Su pərisi", "Panorama" ictimai-iaşə obyektlərində tullantı sularının təmizlənmədən dənizə axıdıldığı aşkar edilib.
Bununla əlaqədar cavabdeh şəxslərin barəsində akt tərtib olunub. Tullantı sularının təmizlənməsi üçün sözügedən obyektlərin sahiblərinə icrası məcburi olan "məcburi göstərişlər" verilib.-06D-
-
- Cəmiyyət
- 30 İyul 2019 12:38
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz