Bakı/21.08.19/Turan: Mayın 10-dan "Delta Telekom LTD" MMC provayderlərə təmin olunan internetin qiymətində təxminən 70%-ə qədər endirim kampaniyasına start verəcəkdi. Bu barədə şirkətin saytında məlumat verilmişdi. Kampaniyadan yararlanmaq istəyən provayderlər istifadəçiyə qiymətlərdə endirim etməli idi və satdığı internetin keyfiyyətinin yüksək səviyyədə olması barədə öhdəlik götürməli idi. Kampaniya mobil operatorlara da şamil edilməli idi.
Lakin kampaniyanın elan edilməsindən bir neçə ay keçməsinə baxmayaraq, nə internet qiymətlərində nə də keyfiyyətində hər hansı dəyişiklik baş verdiyini müşahidə etmək olmur.
Nəqliyyat, Rabitə və Yüksək Texnologiya Nazirliyindən may ayından 70%-dək endirim kampaniyasının elan edilməsinə baxmayaraq, internetin qiymətlərində dəyişiklik olmaması badərə Turan-ın sualına cavabda bildirilib ki, kampaniya dövlət tərəfindən yox, "Delta Telecom LTD" MMC tərəfindən elan edilib və bütün suallara yalnız onlar cavab verə bilər.
"Delta Telekom LTD"dən Turan-ın sorğusuna bildiriblər ki, kampaniyanın məqsədi istifadəçilərə göstərilən internet xidmətinin keyfiyyətinin yüksəldilməsi və qiymətlərin hər bir şəxs üçün əlçatan olmasının təmin edilməsidir. Lakin şirkət kommersiya sirri haqqında qanuna istinad edərək, kampaniyadan yararlanan provayderlər barədə hələlik məlumat verə bilmədiyini bildirib. Bununla belə, şirkətdən qeyd ediblər ki, həmin provayderlər "tutumun artırılması üçün texniki problemləri həll etməli, qurğularını yeniləməlidirlər".
"Delta Telecom LTD"dən əlavə ediblər ki, kampaniya müddətsizdir və gələcəkdə əlavə endirimlər nəzərdə tutulur.
Provayder olan "Connect" MMC, Bakı Telefon Rabitəsi MMC, Azstarnet MMC şirkətləri internetlə bağlı müxtəlif endirim kampaniyaları həyata keçirilməsi barədə Turan-a bildirsələr də, "Delta Telecom LTD"nin müddətsiz 70%-dək endirim kampaniyasından yararlanmaları barədə suala cavab verməyiblər.
"Məndə olan məlumata görə, internet-provayderlər "Delta Telecom LTD" MMC-nin endirim kampaniya təşəbbüsünü dəstəkləməyib". Bu sözləri Turan-a internet məsələləri üzrə ekspert Osman Gündüz bildirib. Onun sözlərinə görə, Azərbaycanın internet bazarında vəziyyət belədir ki, qiymətləri bazar yox, bazarda xüsusi çəkiyə malik bəzi provayderlər müəyyənləşdirir. "Azərbaycanın internet bazarının xüsusiyyəti ondan ibarətdir ki, bazarın 50%-dən çoxunu dövlət provayderləri təşkil edir, onlar bazara nəzarət edir. Dövlət provayderləri Nəqliyyat, Rabitə və Yüksək Texnologiya Nazirliyinə tabedirlər və qurum tərəfindən göstəriş verilməsə, onlar "Delta Telecom"un təşəbbüsünü dəstəkləməyəcəklər. Necə ki, dəstəkləmədilər.
Digər özəl provayderlər ehtiyyat edərək, bu təşəbbüsə qoşulmadılar. Ona görə də qiymətdə dəyişiklik olmayıb".
Azərbaycanda internet qiymətləri sürətdən və limitdən asılı olaraq, 15 manatdan 1900 manata qədər dəyişir. Beynəlxalq qurumun (Cable, Cable.co.uk ) tərtib etdiyi reytinqə görə, 2018-ci ildə Azərbaycan 200 ölkə arasında 2,52 Mbps orta internet sürəti ilə 135-ci pillədə idi. MDB-də yalnız Özbəkistan, Tacikistan, Türkmənistan və Qırğızıstandan irəlidədir. -0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz