Avropalı deputatlar
Ekspert: 'İstehlakçılar məhsulun tərkibindən xəbərsiz olurlar'
Azərbaycan Qida Təhlükəsizliyi Agentliyi (AQTA) bildirir ki, bu il yoxlamalar zamanı 11 çiy dönər istehsalı və 82 dönər hazırlanan ictimai iaşə müəssisəsində nöqsan aşkarlanıb.
Bundan əvvəl Binə qəsəbəsində 20-dən çox şagirdin dönərdən səhhətinin pisləşdiyi açıqlamışdı. Bəzi ekspertlərin fikrincə, Azərbaycanda bahalaşma insanların daha ucuz, amma həm də daha az keyfiyyətli mallara üz tutmasına səbəb olur. Bu da, onların iddialarına görə, insanların səhhətinə mənfi təsirlər göstərir.
Milli Məclisin Aqrar komitəsinin sədri Tahir Rzayev Turana bildirib ki, qida təhlükəsizliyinin təmin olunması yalnız bir qurumdan asılı deyil: "Hər bir vətəndaşdan da asılıdır ki, öz təhlükəsizliyini təmin etsin. Sözsüz ki, dönərdən zəhərlənmə hadisəsi xoşagəlməz bir haldır. Burada Qida Təhlükəsizliyi Agentliyini qınamaq tam düzgün olmazdı, çünki AQTA ölkədə bütün ərazilərə nəzarət edə bilməz... Yüzlərlə cərimələr var. Amma görək dönüş yaranırmı? Əslində bəzi işbazlar vəziyyətdən istifadə edirlər... Mal əti adı altında mənşəyi bilinməyən ət satışa çıxarılır və sonra bu aşkar olunur".
Deputat qeyd edib ki, bir çox hallarda vətəndaşlar evdə qidadan zəhərlənir: "Bu o deməkdir ki, vətəndaşlar özünün, dönər satanlar isə alıcıların sağlamlığının qayğına qalmalıdır... Dəfələrlə elan edirlər ki, hansısa ərzaq məhsulları keyfiyyətsizdir, bunu almaq olmaz. Amma, təəssüf ki, insanlar həmin məhsullardan daha çox istifadə edirlər".
Azad İstehlakçılar Birliyinin sədri Əyyub Hüseynovun AzadlıqRadiosuna bildirməsinə görə də, Azərbaycandakı dönərxanalar elə bir şəraitdə fəaliyyət göstərirlər ki, istehlakçılar məhsulun tərkibindən və onun hazırlanma qaydasından tam xəbərsiz olurlar: "Baxmayaraq ki, ölkəmizdə dönərxanalar üçün standartlar mövcuddur... Amma həmin gigiyenik tələblərə əməl olunmur, dönərxanalarda çalışanlar tibbi müayinədən keçirilmir".
Onun sözlərinə görə, birinci növbədə qanunlarda dəyişikliklər etmək lazımdır: "Biznes qurumlarında yoxlama aparmağa icazə verilmir. İcazəni almaq üçün çox böyük bürokratik əngəlləri aşmaq lazımdır".
Ekspert vurğulayıb ki, uzun illərdir Azərbaycanda təkcə dönərdən deyil, digər məhsullardan da zəhərlənmələrin dəqiq statistikası aparılmır: "Bu sahədə konkret dövlət siyasəti mövcud olmalıdır. Respublikamızda qida zəhərlənmələri dünya statistikasından dəfələrlə az göstərilir".
Mövzu ilə bağlı dönər satışı ilə məşğul olan müəssisələrlə danışmaq mümkün olmayıb.
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz