Açiq mənbələrdən foto.
Bakı/09.12.21/Turan: Dekabrın 10-da "Media haqqında" yeni qanun layihəsi parlament komitələrinin müzakirəsinə çıxarılacaq. Sənəd əvvəlcədən ictimai müzakirələrə çıxarılmayıb.
"Yalnız bu gün kütləvi informasiya vasitələrindən xəbər tutduq ki, qanun layihəsi dekabrın 10-da parlament komitələrinin müzakirəsinə çıxarılacaq", - media hüququ üzrə ekspert Ələsgər Məmmədli Facebook-dakı hesabında şərhdə bildirib.
Məmmədli diqqəti ona yönəldib ki, 2021-ci ilin yanvarında prezidentin imzaladığı sərəncama əsasən qanun layihəsi 2 ay ərzində hazırlanmalıydı.
"Aprel ayından Medianın İnkişafı Agentliyi onun "üstünlüklərini" təbliğ edir, lakin mətnin özünü ictimaiyyətə təqdim etmirlər. Bir sözlə, qanun layihəsi dövlət sirrindən daha "etibarlı" şəkildə saxlanılır", - Məmmədli qeyd edib.
Lakin problem hələ ondan ibarətdir ki, Milli Məclis də qanunların pozulmasında Medianın İnkişafı Agentliyi ilə yarışa girir.
Belə ki, Agentlik parlamentə göndərildiyi andan öz İnternet səhifəsində qanun layihəsini dərc etməliydi.
Milli Məclis isə qanun layihəsini daxil olduğu gündən meclis.gov.az saytında yerləşdirməliydi.
"İnformasiya əldə etmək haqqında" qanunun 29-cu və 30-cu maddələrinin tələbləri belədir.
Sonra Məmmədli həmin maddələrdən sitat gətirir:
29.1. informasiya sahibi cəmiyyətin maraqlarını daha asan və daha operativ şəkildə təmin etmək, çoxsaylı informasiya sorğularını azaltmaq məqsədi ilə malik olduğu, ictimai vəzifələrin yerinə yetirilməsi nəticəsində yaradılmış, yaxud əldə olunmuş aşağıdakı informasiyaları açıqlamalıdır;
29.1. 10. normativ hüquqi aktların layihələri razılaşdırmaya və ya təsdiq olunmağa göndərildiyi andan;
30.1. bu qanunun 29.1-ci maddəsində göstərilən ictimai informasiyalar İnternet informasiya ehtiyatlarında açıqlanmalıdır.06D-
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz