Açiq mənbələrdən foto.
Bakı/05.01.23/Turan: Azərbaycanda minimum əməkhaqqının 345 manata qaldırılması inflyasiyanın tempinə adekvat deyil. Bu fikri iqtisadçı ekspert, Respublikaçı Alternativ Partiyasının siyasi komitəsinin üzvü Natiq Cəfərli Turan-ın müxbirilə söhbətində deyib.
Digər tərəfdən, bu artım VÖEN (vergi ödəyicisinin identifikasiya nömrəsi) üzrə çalışan 800 minə yaxın adamın Dövlət Sosial Müdafiə Fonduna icbari ödənişlərinin artmasına səbəb olacaq.
Bu ödənişlər minimum əməkhaqqının 25 faizini təşkil edir. Bəzi fəaliyyət növləri üzrə Dövlət Fonduna ödənişlər isə minimum əməkhaqqının 50 faizini təşkil edəcək. Ekspert hesab edir ki, Dövlət Fonduna ödənişlər minimum əməkhaqqına bağlanmamalıdır.
Qeyd edək ki, dövlət başçısının bugünkü sərəncamı ilə yanvarın 1-dən minimum əməkhaqqı 300 manatdan 345 manata qaldırılıb. 16D
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz