Ekspert: �Qanuna dəyişiklik qapalılığa şərait yaradacaq�
Bakı/13.06.18/Turan: "İnformasiya əldə etmək haqqında" qanuna dəyişiklik şəffaflığa deyil, əslində qapalılığa daha çox xidmət edir. Bu fikri Turan-a media sahəsində ekspert Xalid Ağəliyev söyləyib.
Çünki "İnformasiya əldə etmək haqqında" qanunun 29-cu maddəsi dövlət qurumunun öz saytına daxil etməli olduğu açıq bilgiləri aydın şəkildə sadalayıb. İnformasiya sahiblərinin illik maliyyə fəaliyyəti haqqında, dövlət büdcəsindən verilmiş vəsaitdən və ya onlara ayrılmış əmlakdan istifadəyə aid olan informasiyalar da həmin informasiyalar sırasındadır.
Ancaq dəyişiklikdən sonra belə informasiyalar icra qurumunun hazırlayıb təsdiq edəcəyi qaydada açıqlana biləcək.
İnformasiyanın sayt üzərindən açıqlanması qaydası qanunda nəzərdə tutulub. İcra qurumuna ayrıca qayda hazırlayıb təsdiq edilməsi səlahiyyətinin verilməsi bilgilərin qapalı tutulması ehtimalı yaradır.
Dövlət qurumlarının əksəriyyəti qanuna zidd olaraq, büdcə, maliyyə bilgilərini onsuz da qapalı tuturlar.-06B-
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz