Tbilisi/13.06.18/Turan: Gürcüstan prokurorluğu Marneuli şəhər meri, azərbaycanlı Teymur Abbasovu saxlayıb. O, qeyri-insani rəftarda ittiham olunur.
Saxlanma Marneuli sakininə qarşı alçaldıcı davranış ilə əlaqədar baş verib. Onu kamera qarşısında üzr istəməyə məcbur ediblər, sonra bunu İnternetdə yerləşdiriblər.
Qeyri-rəsmi məlumatlara görə, bunu mer özü edib. Ancaq T.Abbasov jurnalistlərə bildirib ki, baş verənlərdən xəbəri yoxdur.
Bundan öncə Marneuli sakini Tbilisidə mitinqdə iştiraka dair videonu İnternetdə yerləşdirib. Mitinqdə Marneuli rəhbərini və onun ailə üzvlərini söyüb.
İkinci videoda o, öz sözlərinə görə üzr istəyir. Kadr arxasında həmin şəxsin ünvanına ittihamlar eşidilir.
Qeyd edək ki, Marneuli azərbaycanlıların kompakt yaşadıqları yerdir. Rayonun 72 kəndində on minlərlə azərbaycanlı yaşayır.-02D-
Siyasət
-
Avropa İttifaqının 27 üzv dövləti Gürcüstandakı vəziyyəti, o cümlədən bu ölkə ilə vizasız rejimin ləğvi imkanını dekabrın 16-da keçiriləcək Xarici İşlər Şurasının iclasında müzakirə edəcək. Bu barədə cümə günü Aİ-nin Gürcüstandakı səfiri Pavel Hercinski məlumat verib.
-
Hüquq müdafiəçisi Rüfət Səfərov 1 saylı İstintaq Təcridxanasının personalının müttəhim Fazil Qasımova qarşı pis münasibətilə əlaqədar ombudsman Səbinə Əliyevaya müraciət edib. Bundan sonra vəziyyət yaxşılığa doğru dəyişib, əsəsən Qasımova icazə veriblər ki, mühafizəçinin nəzarəti olmadan iki saatdan çox qardaşı ilə söhbət etsin. Bu barədə Turan-a "Müdafiə xətti" hüquq-müdafiə təşkilatının rəhbəri Rüfət Səfərov bildirib.
-
Çərşənbə günü Bakı Ağır Cinayətlər Məhkəməsində birinci qrup əlil Famil Xəlilovun məhkəməsi davam edib. O, narkotik maddələrin qanunsuz dövriyyəsində ittiham olunur.
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
Rəy yaz