Bakı/05.07.19/Turan: Dini Qurumlarla İş üzrə Dövlət Komitəsi (DQDK) Daxili İşlər Nazirliyi (DİN) və Dövlət Təhlükəsizliyi Xidməti (DTX) ilə birgə Bakının Suraxanı rayonu Qaraçuxur qəsəbəsi məscidi ətrafında reyd keçirib. Bu barədə DQDK-nın iyulun 5-də yaydığı məlumatda bildirilir.
Reyd zamanı vətəndaş Kamran Hüseynzadənin küçə ticarəti formatında dini təyinatlı ədəbiyyatı qanunsuz satması aşkarlanıb.
"İlkin baxış və araşdırma zamanı müvafiq icazəsi olmadan satılan, dini radikalizm və ekstremizmin təbliğində şübhəli bilinən 180 dini ədəbiyyat ekspertiza üçün götürülüb", - məlumatda deyilir.
Fakt üzrə müvafiq araşdırma tədbirləri davam etdirilir.
Məlumata görə, monitorinqdə məqsəd dini təyinatlı ədəbiyyat və məmulatların satışı ilə məşğul olan məntəqələrin fəaliyyətinin, ədəbiyyatların istehsal və satışı, nəzarət markası ilə markalanması ilə bağlı qanunvericiliyin tələblərinə riayət olunub-olunmamasını müəyyən etmək olub-05B-.
Cəmiyyət
-
Azərbaycanla Ermənistan növbəti mərhələdə delimitasiya işlərinin İranla sərhədə qədər başlanması barədə razılığa gəlib. Bununla bağlı yanvarın 16-da Azərbaycan baş nazirinin müavini Şahin Mustafayevlə ermənistanlı həmkarı Mher Qriqoryanın sədrliyi ilə iki ölkənin dövlət sərhədinin delimitasiya və təhlükəsizliyi komissiyalarının iclasında razılıq əldə edilib.
-
Yanvarın 20-də Bakıda və Abşeron yarımadasında yağışlı və küləkli hava şəraiti gözlənilir. Bu barədə meteoroloji proqnozlarda məlumat verilib.
-
18 yanvar tarixində Azərbaycan üzrə hava proqnozu ölkənin müxtəlif bölgələrində dəyişkən hava şəraiti gözlənildiyini, bəzi ərazilərdə yağışın olacağını bildirir.
-
“Azercell” istifadəçilərə daha rahat xidmət təcrübəsi təqdim etmək məqsədilə öz mobil tətbiqinə "Qonaq girişi" funksiyasını əlavə edib. Bu yenilik bütün istifadəçilərə Azercell-in müxtəlif xidmət və məhsullarını daha əlçatan edir.
Rəy yaz