“Sumqayıt Gənclərinin Hüquqi Maarifləndirilməsi” QHT-nin rəhbəri və “Yüksəliş naminə” qəzetinin redaktoru Elçin Məmməd bu gün Sumqayıt şəhər 3-cü Polis bölməsinə çağrılıb. Təhqiqatçı Hikmət Rzayevin çağırışı ilə bölməyə gedən E.Məmmədə bildirilib ki, onun barəsəində polisə şikayət daxil olub və araşdırma aparılır. Bu barədə Turan-a Məmməd özü bildirib.
Vətəndaş Natiq Həsənov polisə guya hüquq müdafiəçisi tərəfindən döyülməsi və nəticədə ağır xəsarət alması ilə əlaqədar şikayət edib. Elçin Məmməd isə deyilənləri cəfəngiyat adlandırıb və bildirib ki, əslində özü təzyiqə məruz qalıb.
“Əslində vətəndaş Natiq Həsənov və atası Əmirxan Həsənov məni təhqir edib və üzümə yumuruqla vurublar. Belə ki, mən etibarnamə əsasında Natiq Həsənovun keçmiş həyat yoldaşı Fəridə Həsənovanın nümayəndəsiyəm və onun hüquqlarını məhkəmədə müdafiə edirəm. İyulun 29-da Sumqayıt Apellyasiya Məhkəməsində haqqımda şikayət edən Natiq Həsənov barəsində inzibati xəta haqqında iş üzrə icraat xitam verilməsi haqqında birinci instansiya məhkəməsinin çıxartdığı qərardan verdiyim apellyasiya şikayətinə baxılıb. Natiq Həsənov barəsində iş üzrə icraat xitam verilməsi haqqında birinci instansiya məhkəməsinin çıxartdığı qərar ləğv edilib və onun hüquqlarını müdafiə etdiyim Fəridə Həsənovaya qarşı etdiyi zorakılıq əməlləri təsdiqini tapıb”, deyə Məmməd bildirib.
O, həmçinin qeyd edib ki, həmin şəxslər bundan hiddətlənərək məhkəmə prosesi zamanı və ondan sonra onu təhqir edib və küçə söyüşləri ilə söyüblər, üzərinə“Avqustun 8-də isə Sumqayıt şəhər Məhkəməsində hüquqlarını müdafiə etdiyim Fəridə Həsənovanın ayrı-ayrı saatlarda eyni tərəflərin iki məhkəmə prosesi var idi. Birinci prosesdən sonra Natiq Həsənov və atası üzərimə hücum çəkdi və məni küçə söyüşləri ilə söyməyə başladılar. Mən onları intizama dəvət etdim və xatırlatdım ki, bura məhkəmənin həyətidir, qanunsuz hərəkətlər edirlər. Sözlərimə məhəl qoymayan Natiq Həsənov və atası məni yumruqlamağa başladılar. Hiss etdim ki, təxribata çəkilirəm və polisə şikayət etdim. Lakin onlar da məndən şikayət ediblər və guya mən onları vurub ağır xəsarət yetirmişəm.”
Məmməd hesab edir ki, ona qarşı şikayətlər hakimiyyət tərəfindən onun hüquq müdafiə fəaliyyəti ilə bağlı təşkil edilir.
O xatırladıb ki, bir müddət əvvəl DİN-in MCMİ onun ölkədən çıxmasını qadağan edib. Məhkəmə bu qadağanı ləğv etsə də, onu buraxmırlar. O, mətbuatda bu barədə yazıb. Bundan sonra polis ondan qisas almaq üçün bəhanə axtarır, hüquq müdafiəçisi belə hesab edir.
Buna cavabda DİN bildirib ki, Azərbaycanda heç kim səbəbsiz yerə cəzalandırılmır. Məmmədi isə banka borcu olduğuna görə buraxmırlar. -06D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz