Cümə günü Media Mərkəzdə hüquq müdafiəçisi Ələkbər Məmmədov Müdafiə Nazirliyinin baş məhkəmə tibbi eksperti Rasim Əliyevin bəyanatı ilə bağlı mətbuat konfransı keçirib. R.Əliyev avqustun 16-da Ə.Məmmədovu böhtanda ittiham edərək, transplantasiya üçün əsgərlərin daxili orqanlarının çıxarıldığını sübut etmədiyi halda onu məhkəməyə verəcəyi ilə hədələyib.
“Rasim Əliyevin bəyanatının heç bir faktiki əsası yoxdur, həmçinin yalan və təhqirlə doludur. Bu səbəbdən mən də onu məhkəməyə vermək niyyətindəyəm”, - Ə.Məmmədov bildirib.
Əsgərlərin orqanlarının çıxarılmasına gəlincə, hüquq müdafiəçisi xatırladıb ki, Bərdədə hərbi hissədə əsgər Pərviz İsgəndərlinin ölümü ilə bağlı keçirdiyi mətbuat konfransında ölmüş əsgərin daxili orqanlarının çıxarılmasına dair ehtimallar səsləndirib.
“İlk dəfə bu barədə onun anası Kifayət İsgəndərli danışıb. Onun sözlərinə görə, Bərdə əhalisi arasında şayiələr dolaşır ki, ölən əsgərlərin daxili orqanları çıxarılır.
Mən hüquq-mühafizə orqanlarını bunu nəzərə almağa və yoxlamağa çağırdım. Həmçinin mütəxəssislərin və vətəndaş cəmiyyəti nümayəndələrinin iştirakı ilə müvafiq komissiyanın yaradılmasını vacib hesab etdim. Mən bu faktların baş verdiyini demədim, lakin daxil olan siqnalların yoxlanması lazımdır”, - hüquq müdafiəçisi vurğulayıb.
Sonra o, Naxçıvanda digər əsgər Teyfur Bəyovun ölümünü xatırladıb. Cəsədin yarılmasında iştirak edən atası oğlunun daxili orqanlarının olmadığını bildirmişdi. Mühacirətdə olan Naxçıvan hərbi prokurorunun sürücüsü Rəhim Namazov da daxili orqanların çıxarılması faktını bildirmişdi.
“Bütün bu faktlar müvafiq yoxlanmanın aparılmasının vacibliyindən xəbər verir və bu faktları mən yox, başqaları açıqlayıb”, - Ə.Məmmədov vurğulayıb.
Müdafiə Nazirliyinin onu məhkəməyə verməkdə niyyəti hüquq müdafiə fəaliyyətinə görə ona təzyiq göstərməkdir. “Uzun müddətdir ki, təmənnasız olaraq vətəndaşları müdafiə edirəm. Görünür, bu, kiməsə xoş gəlmir və məni kənarlaşdırmaq üçün bəhanə axtarırlar”, - o qeyd edib. -04S-
Cəmiyyət
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
Rəy yaz