Stadler qatarı yoldadı
Elektrik qatarı az qala qadını öldürəcəkdi
Bakı/24.10.22/Turan: Oktyabrın 24-də saat 15.45 radələrində Sumqayıt-Bakı marşrutu üzrə Abşeron qəsəbələrindən hərəkət edən “Stadler” sürətli qatarı təcili olaraq hərəkətini dayandırıb və Novxanı Bağları qəsəbəsi ərazisində 10 dəqiqəyə yaxın dayanıb. Qəfil əyləcə yaşlı qadının dəmir yolunu keçməsi səbəb olub. Qadını yoldan itələyən kişi onu ölümdən xilas edib. Bu barədə hadisənin şahidi Turan-ın müxbiri bildirib.
Qadın yerli sakinlərin düzəltdiyi tor hasardakı dəlikdən dəmir yoluna daxil olaraq relsləri keçib. Yaxınlıqda yerüstü piyada keçidinin tikilməsinə baxmayaraq, qəsəbə sakinləri, eləcə də qatarın hərəkət boyu digər yaşayış məntəqələrində sakinlər hasarlanmanın bütövlüyünü pozaraq, dəmir yolunu onlara əlverişli olan yerlərdə keçirlər.
Kənd sakinləri Turan-a bildiriblər ki, bu yerdə artıq ölüm hadisəsi baş verib, bir dəfə qatar dəmir yolu boyunca digər heyvanlarla birlikdə otlayan inəyi vurub. Yerli polis baş verənlərlə maraqlanmır.
Faciəli qəzalara səbəb sakinlərin tor hasarlarda qanunsuz keçid yerləri açmasıdır. Yerli sakinlər deyirlər ki, adamlar yolu keçmək məcburiyyətində qalaraq təhlükəli vəziyyətlər yaradırlar, çünki zibil qutuları azdır, adamlar zibil atmaq üçün yolu keçməli, ya da zibili yolun kənarına atmalı olurlar. Yol boyu az sayda yerüstü piyada keçidi var, metal pilləkənlər hündürdür, hamı onları qalxa bilmir. Dəmir yolu beton və ya daş hasarla yox, kəsilməsi asan olan yüngül torla hasarlanıb. Adamların və heyvanların tez-tez yola çıxması qatarların hərəkətini ləngidir və yolun kənarında yaşayışı təhlükəli edir.
12 oktyabr 2022-ci il tarixində Keşlə qəsəbəsində həmin “Stadler-EŞ-019” elektrik qatarı bir nəfəri vuraraq öldürüb.—0—
-
- Siyasət
- 24 Oktyabr 2022 17:53
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz