![Əli İnsanovun işi üzrə prosesdə](https://turan.az/resized/media/2017/main/041200000401-750-500-resize.webp)
Əli İnsanovun işi üzrə prosesdə
Bakı/12.04.17/Turan: Çərşənbə günü Qaradağ Rayon Məhkəməsində keçmiş səhiyyə naziri Əli İnsanovun işi üzrə proses davam edib.
Müstəqil mətbuatın nümayəndələri zala buraxılmayıb.
Prosesdə iştirak edənlərdən biri Turan-a bildirib ki, ittihamnamə oxunub. İttihamnaməyə görə, 13 saylı koloniyada Ə.İnsanova məxsus psixotrop maddələr tapılıb. Protokol tərtib edilərkən Ə.İnsanov sənədi çırıb və Penitensiar Xidmətin əməkdaşı Anar Məmmədovun boğazından yapışıb, onun poqonlarını qoparıb və itələyib. A.Məmmədov zərbədən yıxılıb və başından xəsarət alıb.
Ə.İnsanov bu ittihamları rədd edərək uydurma adlandırıb, özünün və ailə üzvlərinin hüquqlarının pozulduğunu bildirib.
“Əgər narkotik maddə tapılmışdısa niyə operativ rejim şöbəsinin rəisini cəzalandırmadılar, əksinə vəzifəsini böyütdülər?”, - o, məhkəməyə sual edib.
İttihamın saxtalaşdırılmasına gəlincə, o deyib: “Bu, necə ola bilər, mən eyni vaxtda həm protokolu çırıram, həm mayorun boğazından yapışıram, poqonlarını qoparıram, həm də itələyirəm? Mən bəyəm Məhəmməd Əliyəm?”
Ancaq zərərçəkən Anar Məmmədov ittiham versiyasını təsdiqləyərək bildirib ki, bir ay xəstəxanada müalicə alıb və təzyiqi qalxıb.
Ə.İnsanov mayoru yalanda ittiham edib və deyib ki, belə hallarda təzyiq qalxmır, enir.
O götürülən psixotrop maddələrin rəngli olması barədə fikirləri də saxtalaşdırma faktı hesab edir. Keçmiş nazir qeyd edib ki bu cür maddələr rəngli olmur. Vitaminlər rəngli olur.
Sonra prosesdə məhbuslardan iki hal şahidi, koloniya əməkdaşları və Penitensiar Xidmətdən isə beş şahid çıxış edib.
Bununla şahid ifadələri başa çatıb.
Növbəti məhkəmə iclası aprelin 19-u saat 14:30-a təyin edilib.
*Əli İnsanov 2005-ci ilin oktyabrında dövlət çevrilişinə cəhddə ittiham olunaraq həbs edilib. Sonradan iqtisadi cinayətlərlə əlaqədar 11 il azadlıqdan məhrum edilib.
2016-cı ilin oktyabrında həbsdən çıxmasına 56 gün qalmış ona qarşı yeni ittihamlar irəli sürülüb: 234.1 (narkotik maddənin əldə edilməsi və saxlanması), 315.2 (xidməti vəzifəsini yerinə yetirərkən hakimiyyət nümayəndəsinə müqavimət göstərilməsi), 317 2.1 (qadağan olunmuş əşyaların hazırlanması, saxlanması və gəzdirilməsi). 2006-cı il oktyabrın 11-də Qaradağ Rayon Məhkəməsi onun barəsində həbs qərarı çıxarıb.
2013-cü il martın 14-də Avropa məhkəməsi Ə.İnsanovun ədalətsiz mühakimə olunması barədə qərar çıxarıb. Ancaq Azərbaycan hakimiyyəti hökmü dəyişməyib.
Avropa Şurası Nazirlər Kabineti Azərbaycan hökumətini Avropa məhkəməsinin qərarını yerinə yetirməyə çağırıb. Hüquq-müdafiə təşkilatları Ə.İnsanovu siyasi məhbus kimi tanıyıblar.03С06--
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz