Həbsdə olan keçmiş səhiyyə naziri Əli İnsanovun cinayət işi baxılmaq üçün məhkəməyə göndərilib. Bunu Turan-a sabiq nazirin vəkillərindən biri Toğrul Babayev bildirib.
T.Babayev cinayət işinin materialları ilə tanışlığın artıq başa çatdığını və işə Qaradağ Rayon Məhkəməsində baxılacağını bildirib.
Ancaq cinayət işi hələlik məhkəmə icraatına verilməyib, məhkəmənin vaxtı yaxın günlərdə bilinəcək.
Xatırladaq ki, keçmiş səhiyyə naziri Əli İnsanov 2005-ci ilin oktyabrında dövlət çevrilişinə cəhd ittihamı ilə həbs olunub. Sonradan iqtisadi cinayətlərdə ittiham olunaraq 11 il müddətinə həbs edilib.
2016-cı ilin oktyabrında Ə.İnsanovun həbs müddətinin bitməsinə bir neçə gün qalmış ona Cinayət Məcəlləsinin üç maddəsi ilə yeni ittiham irəli sürülüb.
2016-cı il oktyabrın 11-də Qaradağ Rayon Məhkəməsi prokurorluğun təqdimatı əsasında sabiq nazirin həbs edilməsi barədə qərar çıxarıb.
Avropa İnsan Hüquqları Məhkəməsi Ə.İnsanovun hüquqlarının pozulduğunu tanıyıb. Ancaq Azərbaycan hakimiyyəti hökmü dəyişdirməyib. Avropa Şurası Nazirlər Kabineti dəfələrlə Azərbaycan hökumətini Avropa İnsan Hüquqları Məhkəməsinin qərarını yerinə yetirməyə çağırıb.
Cəmiyyət
-
Bu gün, yanvarın 6-da Azərbaycanda 23 gün sonra keçiriləcək bələdiyyə seçkiləri ilə əlaqədar seçkiqabağı təşviqata start verilir. İndiyə kimi 16 min 174 nəfərin namizədliyi qeydə alınıb. Bu barədə Mərkəzi Seçki Komissiyasının (MSK) sədri Məzahir Pənahov yanvarın 6-da seçkilərlə bağlı iclasda bildirib. Onlardan 8 min 429 nəfəri 23 siyasi partiyanı təmsil edir.
-
Dövlət Sərhəd Xidmətinin məlumatına görə, əməliyyat-axtarış tədbirləri zamanı Azərbaycana 700 qram tiryək, 13 mindən çox Preqabalin- 150 həbinin və 600 ədəd Metadon-40 həbinin keçirilməsi cəhdinin qarşısı alınıb. Bunun harada və nə vaxt baş verdiyi açıqlanmır.
-
Yanvarın 7-də paytaxtda gün ərzində yağıntı gözlənilmir. Axşam saatlarında bəzi yerlərdə yağış yağacağı gözlənilir. Şimal-şərq küləyi cənub-şərq küləyinə keçəcək.
-
Hazırda Çin, Qazaxıstan və Rusiyada metapnevmovirus - kəskin respirator virus infeksiyaları üzrə qeyri-stabil epidemioloji vəziyyət müşahidə olunur. Onun sinmptomlrı öskürək, burun tutulması, burun axması, hərarətin yüksəlməsi, nəfəs darlığı, səsin boğulmasıdır.
Rəy yaz