Bakı/02.08.17/Turan: Avqustun 2-də Bakı Apellyasiya Məhkəməsi AXCP sədri Əli Kərimlinin qaynı, "Texnikabank"ın Yasamal filialının müdir müavini olmuş Elnur Seyidovun şikayətini təmin etməyib. Bu barədə Turan-a E.Seyidovun vəkili Fəxrəddin Mehdiyev bildirib.
E.Seyidov həbsdəki məntəqə tipli müəssisəyə köçürülməsini istəyir. Qaradağ Rayon Məhkəməsi E.Seyidovun bu müraciətini təmin etməmişdi.
Vəkilin bildirdiyinə görə, şikayətə hakim Rizvan Səfərovun sədrliyi ilə baxılıb, hakimlər heyəti dağınıq skleroz xəstəliyi ucbatından səhhətində ciddi problemlər olan E.Seyidovun şikayətini əsaslı saymayıb: "E.Seyidovun cəzasının üçdə iki hissəsini çəkməsi də nəzərə alınmayıb, aşağı məhkəmənin qərarı qüvvədə saxlanılıb. Qərarı əsassız və qanunsuz sayırıq və Ali Məhkəməyə kassasiya şikayəti verəcəyik", -F.Mehdiyev bildirib.
Vəkil E. Seyidovun heç bir təqsiri olmadan qondarma ittihamla həbs olunduğunu bildirib: "Onun illərlə ağır vəziyyətdə həbsdə saxlanmasının tək səbəbi var, bu da AXCP sədri Əli Kərimlinin qaynı olmasıdır".
Xatırladaq ki, E.Seyidov 2012-ci ilin martında MTN tərəfindən "Texnikabank" işinə görə həbs edilib. Bakı Ağır Cinayətlər Məhkəməsinin hökmü ilə 7 il 6 ay azadlıqdan məhrum edilib. E.Seyidov istisna olmaqla həmin iş üzrə həbs olunanların hamısı azadlığa buraxılıb.
13 saylı cəzaçəkmə müəssisəsində saxlanılan Elnur Seyidovun özü də ittihamları rədd edir və heç bir cinayət törətmədiyini söyləyir.-05B-
Cəmiyyət
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
Rəy yaz