14 saylı cəzaçəkmə müəssisəsində Elşad Babayevin ölümü ilə bağlı Cinayət Məcəlləsinin 309.2 maddəsi (vəzifə səlahiyyətlərini aşma - bu əməllər zor tətbiq etməklə və ya zor tətbiq etmə hədəsi ilə törədildikdə, yaxud silah və digər xüsusi vasitələrdən istifadə etməklə törədildikdə və ya ağır nəticələrə səbəb olduqda) maddəsi ilə cinayət işi açılıb. Hazırda hadisə ilə bağlı barəsində həbs qətimkan tədbiri seçilən şəxs yoxdur. Bu barədə Turan-a hüquq- mühafizə orqanlarındakı mənbələrdən bəlli olub.
309.2 maddəsinin sanksiyasında 3 ildən 7 ilədək azadlıqdan məhrumetmə nəzərdə tutulur.
Elşad Babayevin bacısı Sumuzər Babayeva qardaşının bədənində çoxsaylı qançırların, baş nahiyəsində çapıq olan nəşinin şəklini media vasitəsi ilə yayıb. O, qardaşının nəşinin fotolarını məhkəmə -tibbi ekspertizasında çəkdiyini bildirib. Öz növbəsində məhkəmə- tibbi eksperiza E. Babayevin ürək tutmasından öldüyü barədə rəy verib.
O, qardaşının işgəncələr nəticəsində öldürüldüyünü bildirib. Eyni zamanda S. Babayevanın dediklərini 14 saylı cəzaçəkmə müəssisəsində olan digər məhbuslar da təsdiq ediblər.
S. Babayeva bildirib ki, qardaşının qatıllərinin cəzalandırılmasına nail olmaq üçün sona qədər mübarizə aparacaq. “Qardaşımı öıldürüblər. Özü də işgəncə verib öldürüblər. Bunu danmaq olmaz. Fotolardan görünür ki, qardaşım amansız işgəncələrə məruz qalıb. Onun ürək tutmasından ölməsini demək bu cinayəti ört-basdır etməyə cəhddir. Lakin mən sona qədər mübarizə aparacam ki, bu cinayəti törədənlər cəzalandırılsın”, - o bildirib.
Dekabrın 22-də 14 saylı cəzaçəkmə müəssisinində məhbuslar Elşad Babayevin işgəncə ilə öldürülməsinə etiraz olaraq aksiya keçiriblər.
Aksiyadan sonra məhbuslara isnadən media yazıb ki, müəssisədə məsul post tutan mayor rütbəli Firdovsi adlı şəxs, rejim rəisi, baş leytenant Faiq adlı şəxs bir neçə xidmətçi ilə birlikdə E. Babayevə qarşı amansız rəftara yol verərək onun ölümünə səbəb olub.
Penitensiar Xidmət isə müəssisədə etiraz olduğunu təsdiqləsə də bunun səbəbini məhbusların intizam qaydalarını pozmağa cəhdi ilə izah edib.
Etiraz zamanı 14 saylı cəzaçəkmə müəssisəsində cəza çəkən tanınmış hüquqşünas Qurban Məmmədov məhbusların etirazından bir neçə gün sonra cəzaçəkmə müəssisəsində etiraz edən məhbusların işgəncələrə məruz qoyulduğunu bildirib.-03B-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz