Açiq mənbələrdən foto.
Elvin İrşadov 16 sutka müddətinə həbs olunub.
* * *
2020 May 19 (Çərşənbə axşamı) 20:09:52
Lənkəranda fəal Elvin İrşadov saxlanılıb
Bakı/19.05.20/Turan: "Umar Ali" nikindən istifadə edən sosial şəbəkələrin fəal istifadəçisi Elvin İrşadov dünən Lənkəranda saxlanılıb. Bu barədə Azərbaycan Talışları İctimai Şurasının (ATİŞ) mayın 19-da yaydığı bəyanatında deyilir.
Sənəddə qeyd edilir ki, İrşadov saat 13.00 radələrində 190 manat ölçüsündə maddi yardım almaq üçün "Kapital Bank" bankomatının qarşısında növbə gözləyərkən saxlanılıb. Fəal polisə tabe olmamaqda şübhəli bilinərək saxlanılıb.
ATİŞ-in bəyanatında deyilir ki, İrşadovun "Umar Ali" səhifəsi cənub bölgəsinin sakinləri arasında məşhurdur, belə ki, o, yerli əhalinin, o cümlədən talışların problemlərini işıqlandırırdı.
İrşadov əvvəllər də yerli hakimiyyətin qanunsuz əməllərini tənqid etdiyinə görə təzyiqə, həbslərə məruz qalıb. Buna baxmayaraq, İrşadov ədalət və qanunçuluq uğrunda mübarizədən əl çəkməyib, deyə bəyanatda bildirilir.
ATİŞ İrşadovun ictimai-siyasi baxışlarına görə təqib edildiyini hesab edir, onun saxlanılmasını pisləyir və dərhal azad edilməsini tələb edir.
Bu gün o, məhkəməyə çıxarılacaq.
Yerli polisdən İrşadovun saxlanılmasının səbəbləri ilə bağlı məlumat almaq mümkün olmayıb. –06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz