![Elxan Əliyev barəsində 3 aylıq həbs qətimkan tədbiri seçilib.](https://turan.az/resized/media/2023/main/072800064825-750-500-resize.webp)
Elxan Əliyev barəsində 3 aylıq həbs qətimkan tədbiri seçilib.
Bakı/07.27.23/Turan: Azərbaycan Xalq Cəbhəsi Partiyasının üzvü Elxan Əliyev barəsində 3 aylıq həbs qətimkan tədbiri seçilib.
Bu barədə Turana onun vəkili Nemət Kərimli bildirib.
Onun sözlərinə görə, iyulun 27-də Sabunçu Rayon Məhkəməsində istintaq orqanın vəsatətinə baxılıb və E.Əliyev barəsində həbs qətimkan tədbiri seçilib.
Vəkil qeyd edib ki, partiya üzvü özünü təqsirli bilmir və öz həbsini siyasi fəaliyyəti ilə əlaqələndirir.
Xatırlatma
AXCP üzvü Elxan Əliyev iyulun 26-da polis tərəfindən saxlanılıb. Ona və digər iki nəfərə qarşı Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə), 320.1 (hüquq verən rəsmi sənədi istifadə etmək məqsədi ilə qanunsuz hazırlama) və 320.2-ci (bilə-bilə saxta sənədlərdən istifadə etmə) maddələri ilə cinayət işi başlanılıb.
Elxan Əliyev vətəndaşın etibarından sui istifadə edərək torpaq sahələrini saxta sənədlər əsasında satdığında ittiham olunur.
Həbsindən əvvəl makler işləyən E.Əliyev video çəkərək bir nəfərin ona dəfələrlə müraciət etdiyini, ona evlərin göstərməyini xahiş etdiyini və özünü şübhəli apardığını bildirdi.
DİN-dən isə qeyd olunub ki,
E.Əliyev sosial şəbəkələrdə paylaşıdığı görüntülər öz qanunsuz əməllərini sığortalamaq məqsədindən irəli gəlir, həqiqəti əks etdirmir.
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz