Əmlak Məsələləri Dövlət Xidməti Gəncədə hərracda baş verən insident barədə
Bakı/19.03.23/Turan: Əmlak Məsələləri Dövlət Xidməti Turan İnformasiya Agentliyinin internet səhifəsində dərc olunan "Korrupsiya araşdırmaçısı Orxan İsmayılov Əmlak Məsələləri Dövlət Xidmətinin Gəncə şöbəsində döyülüb" yazısına münasibət bildirib.
Baş verənlərlə bağlı qurumun izahatında deyilir:
"Bələdiyyənin mülkiyyətində olan torpaq sahələrinin kənd təsərrüfatı məhsullarının istehsalı, fərdi yaşayış evi və sahibkarlıq obyektlərinin tikilməsi məqsədilə hüquqi və fiziki şəxslərə mülkiyyətə və icarəyə verilməsi üçün müsabiqə və ya hərraca çıxarılması barədə qərarlar bələdiyyələr tərəfindən verilir.
Azərbaycan Respublikası Prezidentinin 2003-cü il 23 oktyabr tarixli 972 nömrəli Fərmanına uyğun olaraq İqtisadiyyat Nazirliyi yanında Əmlak Məsələləri Dövlət Xidməti (ƏMDX) yalnız müsabiqə və hərracın təşkilinə məsul qurumdur. Müsabiqə və hərracların keçirilməsi ƏMDX-nin, yerli icra hakimiyyətinin və bələdiyyə şurasının nümayəndələrinin üzv olduğu komissiya tərəfindən təmin edilir.
Müşahidələr göstərir ki, müsabiqə və hərraca çıxarılan torpaq sahələri faktiki istifadədə olan və üzərində bir çox hallarda tikili mövcud olan torpaqlardır. Həmçinin, müsabiqə və hərraca çıxarılan kənd təsərrüfatı təyinatlı torpaq sahələrinin əksəriyyəti icarə müddəti bitmiş və hələ də köhnə icarədar tərəfindən istifadə edilən torpaq sahələridir. Bu səbəbdən də qaydaların tələblərinin təmin olunması məqsədilə hərraclar vətəndaşların faktiki istifadəsində olan torpaqlar üzərində hüquqların rəsmiləşdirilməsi üçün keçirilən bir prosedura çevrilib.
16 mart 2023-cü il tarixində Gəncə Şəhər İcra Hakimiyyətinin inzibati binasının 4-cü mərtəbəsində ƏMDX-nin Gəncə şəhər şöbəsinin yerləşdiyi xidməti otaqda torpaq müsabiqəsinin keçirilməsi zamanı insident baş verib.
Qeyd edək ki, Gəncə şəhərində yerləşən müvafiq torpaq sahəsinin müsabiqə yolu ilə satışı üçün keçirilən müsabiqədə şəhid ailəsinin üzvü (həyat yoldaşı) Zahidə Həsənova və vətəndaş Orxan İsmayılov iştirak ediblər. Şəhid ailəsinin həmin torpaq sahəsində fərdi yaşayış evi var və o, 15 ildən çoxdur orada yaşayır.
Orxan İsmayılov həmin gün müsabiqəyə çıxarılan bütün torpaq sahələri (25 hal) üzrə iştirakçı statusu əldə edib. Bu barədə məlumatlı olan komissiya üzvləri müsabiqə başlamazdan əvvəl həmin şəxsə satışa çıxarılan torpaq sahələrinin faktiki istifadədə olduğunu bildiriblər. Lakin qarşı tərəf bu məlumatı nəzərə almayıb.
Müsabiqə zamanı naməlum şəxslər müvafiq torpaq sahəsinin Zahidə Həsənovanın faktiki istifadəsində olduğunu bildirərək Orxan İsmayılova digər iştirakçının lehinə müsabiqədən geri çəkilməsi ilə bağlı təzyiq göstərib. Onlar arasında yaranan mübahisə səbəbindən müsabiqənin keçirilməsi mümkün olmayıb. Baş vermiş insidentlə bağlı ƏMDX-nin Gəncə şəhər ərazi şöbəsi tərəfindən dərhal hüquq mühafizə orqanlarına müraciət edilib.
Hazırda ƏMDX-nin əməkdaşlarının müsabiqənin təşkilində və keçirilməsində qanun pozuntusuna yol verib-verməməsi ilə bağlı xidməti araşdırma təyin olunub.
Eyni zamanda yuxarıda sadalanan problemlərin həlli məqsədilə ƏMDX tərəfindən mövcud qanunvericiliyə dəyişikliklərlə bağlı təkliflər hazırlanır".--0--
-
- Cəmiyyət
- 18 Mart 2023 20:21
Cəmiyyət
-
Azərbaycan məktəblərində rus dilində siniflər arta bilər. Jurnalistlərə açıqlamasında Məktəbəqədər və ümumi təhsil üzrə dövlət agentliyinin sədri Eşqi Bağırov bildirib ki, məktəblərdə rus bölməsi üzrə kifayət qədər yer və pedaqoq ehtiyatı var. "Bu gün ölkənin təhsil müəssisələrində rus bölməsi üzrə 12 min yer var. Müraciət edənlərin sayı isə 10 minə çatıb. Ortalama bu gün üçün tələbat qarşılanır. Amma yeni tədris ilində pedaqoji kadr təyinatı, müəllim sayı imkan verərsə, ehtiyac olduqca, rus bölməsi üzrə sinif sayı artırıla bilər", - o əlavə edib.
-
Lider mobil operator beynəlxalq ictimaiyyət qarşısında daha dayanıqlı və yaşıl gələcək naminə gördüyü işlər haqqında danışdı Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi, “Azercell Telekom” MMC-nin baş sponsorluğu ilə Bakıda keçirilən “GSMA M360 2024” konfransı davam edir. COP29 ərəfəsinə təsadüf edən bu konfransın ikinci günü ətraf mühit, sosial və idarəetmə (ESG) prinsiplərinə həsr olunmuş sessiya ilə başlayıb. Bu sessiyada çıxış edən Azercell-in Hüquq, Etika və Komplayens üzrə baş direktoru Şirin Əliyeva şirkətin ESG strategiyasını açıqlayaraq onun adıçəkilən sahələrdə fəaliyyəti haqqında danışıb.
-
Mayın 17-də Bakıda və Abşeron yarımadasında yağış yağacağı, bəzi yerlərdə intensivləşəcəyi gözlənilir. Gündüz yağıntılar tədricən kəsiləcək.
-
Azercell-in ev sahibliyi etdiyi konfrans Bakıda beynəlxalq sənaye liderlərini bir araya gətirdi Bu gün Beynəlxalq GSM Assosiasiyasının (GSMA) Azərbaycanda sayca ikinci “GSMA M360 Eurasia” konfransına start verilib. Ötən il olduğu kimi, bu il də Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə Bakıda keçirilən tədbir telekommunikasiya və rəqəmsal texnologiyalar sahəsində çalışan aparıcı ekspertləri, eləcə də region üzrə tənzimləyici qurumların nümayəndələrini öz ətrafında toplamağa müvəffəq olub.
Gürcüstan hakimiyyəti Qərbdən uzaqlaşmaq yolunu tutub? – Samirə Bayramova Çətin sualda
Audio xəbər
Xəbər lenti
-
- Siyasət,
- 11:22
- 91
Rəy yaz