Ишхан Вердян
Bakı/06.08.22/Turan: Öz sülhməramlı təşəbbüsləri ilə tanınan erməni fəal, bloger, İstanbulda ailəsilə müvəqqəti yaşayan İşxan Verdyan Azərbaycan Respublikası vətəndaşlığının verilməsi xahişilə prezident İlham Əliyevə müraciət edib. Bununla yanaşı, o, Xankəndi şəhərində yaşamaq niyyətində olduğunu vurğulayıb.
Müraciət onun Qarabağı həmişə Azərbaycan torpağı hesab etməsi və bunu beynəlxalq hüquqla əsaslandırması ilə başlayır. "Bu nöqteyi-nəzərimi ermənilərdən heç kim bir dəfə də təkzib etməyib, mənimlə bu mövzuda debata heç kim çıxmayıb, heç kim mənim səhvimi qanuni, hüquqi cəhətdən əsaslandıra bilməyib. Mən, sadəcə, düşünürdüm ki, bir halda ki, Ermənistan sivilizasiya kursunu götürüb, o, artıq beynəlxalq hüquqa - daxil olmağa hazırlaşdığı birliyin hüququna hörmət etməyə başlamalıdır".
"Mən Ermənistanın gələcəyini Skandinaviya ölkələrindən biri kimi görürəm ... həmişə demişəm ki, Ermənistana getməyən və Qarabağda qalıb yaşayan ermənilər Azərbaycan vətəndaşlığını almalıdırlar... onlara göstərmək istəyirəm ki, orada ermənilər kimi tamamilə təhlükəsiz yaşamaq olar. Hətta yaşamaq gözəldir", - Verdyan qeyd edib.
"Hörmətli, cənab prezident! Mənə Azərbaycan vətəndaşlığı vermənizi, Xankəndidə yaşamağa və işləməyə icazə vermənizi xahiş edirəm, - sülhməramlı İşxan Verdyan bildirib.
Turan-la söhbətində o, niyə müraciəti bu yaxınlarda Qarabağda baş vermiş döyüşlərdən dərhal sonra etməsi və bunun Ermənistan və Qarabağdan ona yeni hücum dalğasına səbəb olub-olmayacağı barədə suala cavab verib.
"Bu, təsadüf deyil, müraciət Qarabağda baş verən hadisələrin nəticəsidir. Bəli, bu, ermənilər tərəfindən mənim ünvanıma qarşı kəskin nifrət hissi oyatdı, bilirdim ki, belə olacaq. Mənim addımım gələcəyə yönəlib və məhz gələcəkdə düzgün qiymətləndiriləcək, buna şübhə etmirəm. Hələlik isə mənə qarşı nifrət bir qədər də artacaq, amma bundan qorxmuram, mən nifrət içində yaşamağa alışmışam", - Verdyan deyib.
*Verdyan Turan-da dərc olunan müsahibənin iştirakçısı olub.
İşxan Verdyan: “Kremldə erməniləri Türkiyəyə qarşı canlı sipər təyin ediblər”
İşxan Verdyan: “Paşinyan Moskva tərəfindən idarə olunur, Qarabağda böyük qan tökülə bilər”
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz