Bakı/28.11.17/Turan: Bu gün Ordubad istiqamətində (Naxçıvan) Azərbaycan və Ermənistan hərbi postları arasında neytral zonada tapılmış əsgər Bəhruz Cəlilbəylinin cəsədinin təhvil verilməsi mərasimi keçirilib.
Azərbaycan Hərbi Əsirlər və Girovlarla İş üzrə Dövlət Komissiyası bildirib ki, noyabrın 28-də Naxçıvan Muxtar Respublikasının Sədərək rayonu ərazisində Qızıl Xaçın vasitəçiliyi ilə B.Cəlilbəylinin cəsədi Azərbaycan tərəfinə verilib.
Ötən həftə Ermənistan Müdafiə Nazirliyi erməni mövqelərinin yaxınlığında azərbaycanlı hərbçinin cəsədinin aşkar edildiyini bildirmişdi.
Azərbaycan Müdafiə Nazirliyi məlumat verib ki, B.Cəlilbəyli hərbi hissəni özbaşına tərk edib, cinayət törədib. Ancaq onun hansı cinayəti törətdiyi açıqlanmayıb.
Sentyabrın sonlarında Meydan.TV B.Cəlilbəylinin üç nəfər xidmət yoldaşını öldürməsi və hərbi hissədən qaçması barədə məlumat yaymışdı. O zaman Azərbaycan Müdafiə Nazirliyi bu məlumatı şərh etməmişdi.
B.Cəlilbəylinin cəsədi aşkar edilənə qədər onun sentyabrın sonlarından noyabrın sonunadək harada olduğu, nə vaxt və nədən öldüyü hələlik məlum deyil. -06D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz