Yerevan/12.07.14/Turan- Armİnfo: Ermənistan Müdafiə Nazirliyinin mətbuat katibi Arsrun Ovanisyan Facebook səhifəsində bildirib ki, Kəlbəcərdə “Azərbaycan təxribat qrupu saxlanılarkın bir təxribatçı öldürülüb”. Atışma zamanı bir erməni zabiti həlak olub, bir qadın yaralanıb.
Bundan öncə bildirilib ki, Tərtər rayonunun Qapanlı kənd sakini Şahbaz Quliyev ermənilərə əsir düşüb. Erməni tərəfinin məlumatına görə, onunla ikinci “təxribatçı” da olub, lakin o qaçıb.
Azərbaycan Müdafiə Nazirliyi təxribatçılar barədə məlumatı təkzib edərək bildirib ki, orduda Şahbaz Quliyev adlı hərbçi xidmət etmir.
Sonradan məlum olub ki, Ş.Quliyev siravi vətəndaşdır və Kəlbəcər qaçqınıdr. Görünür, Ş.Quliyev və yoldaşı hansısa məqsədlə Kəlbəcər ərazisinə daxil olublar. Qeyd edək ki, cəbhə xətti ermənilərin onları tutduqları yerdən 50-60 km. məsafədə yerləşir. Bu səbəbdən ermənilərin onları təxribatçı kimi qələmə verməsi daha asandır, nəinki azərbaycanlıların onların arxa cəbhəsində sərbəst hərəkət etdiyini etiraf etməsi.
Bu hadisədən sonra İnternetdə Ermənistanın Sisyan rayonunda azərbaycanlı “təxribatçı”ların çəkdikləri videokadrlar yayımlanıb. Bunlar həmin rayonun keçmiş sakinləridir, öz vətənlərinı görmək istəyiblər. -02В-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz