Noyabrın 12-də günorta saatlarında cəbhə xəttində Ermənistana məxsus hərbi helikopter vurulub. Müdafiə Nazirliyindəki mənbələri Turan-a bu məlumatı təsdiq ediblər. Müdafiə Nazirliyi bir qədər sonra ətraflı məlumat verməyi vəd edir.
Lakin ehtimal etmək olar ki, vurulmuş helikopter Ermənistan tərəfin işğal edilmiş ərazilərdə keçirdiyi hərbi təlimlərdə iştirak edən helikopterlərdən biridir. Çox güman ki, helikopter təlim zonasından çox uzaqlaşıb və vurulub. Helikopterin növü və ekipajının taleyi hələlik məlum deyil. Çox güman ki, bu, Ermənistan tərəfdə mövcud olan Mİ-24 və ya Mİ-8-dir.
Bu, atəşkəs dövrü ərzində döyüş aviasiyanın iştirakı ilə baş verən ən ciddi hadisədir. İndiyədək atəşkəs rejiminin pozulması hallarında tərəflərin döyüş texnikasına ziyan dəyməyib.
Ermənistan tarəfi təsdiq edib ki, hadisə saat 14 radələrində Qarabağın şərqində baş verib. Mİ-24 helikopteri vurulub.
Saat 16:20-də Azərbaycanın Müdafiə Nazirliyi təsdiq edib ki, saat 13:45-də Ağdam rayonunun Kəngərli kəndi üzərində Ermənistana məxsus helikopter vurulub. Helikopter Ermənistan tərəfinin üçüncü gündür ki, davam edən təlim zonasından kənara uçub və Azərbaycan mövqelərinə hücum etməyə çalışıb. Yerdən açılan atəşlə helikopter məhv edilib və onun parçaları təmas xəttindən 500 metr məsafəyə düşüb, deyə Müdafiə Nazirliyinin mətbuat xidməti bildirib. -02D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz