Açiq mənbələrdən foto.
Bakı/07.04.22/Turan: Ermənistan üçün sərhədlərin delimitasiyası, kommunikasiyaların açılması, sülh sazişinin imzalanması məsələlərinin həlli prosesini uzatmaq getdikcə daha da çətinləşəcək. Bu fikri Turan Agentliyinə Milli Məclisin Beynəlxalq münasibətlər komitəsinin üzvü, politoloq Rasim Musabəyov Azərbaycan və Ermənistan liderlərinin Brüssel görüşünün yekunlarını şərh edərkən bildirib.
Sərhədlərin delimitasiyası üzrə birgə komissiya yaradılması məsələsi az qala bir il əvvəl nəzərdə tutulurdu. Amma Yerevan bundan yayınırdı. İndi komissiyanın yaradılması üçün konkret müddət göstərilib - aprelin sonuna qədər.
Parlamentarinin fikrincə, Ermənistanın manevr imkanları məhdudlaşır.
"Düşünürəm ki, ermənilər anlayır ki, həm geopolitik vəziyyət bunların xeyrinə dəyişmir. Eyni zamanda, Ermənistan Avropa Birliyindən yardımlar gözləyir. Belə olan halda özlərini ağıllı aparmalıdırlar", deyə deputat qeyd edib.
Onun fikrincə, nəqliyyat və iqtisadi məsələlərin müzakirəsi üçün də bir şura yaradılmalıdır.
Doğrudur, indi Azərbaycan İranla Zəngəzur dəhlizinin onun ərazisindən keçməsi barədə razılaşıb. Amma Bakı Ermənistan üçün də qapıları bağlamayıb.
Buna görə birgə struktur çərçivəsində Zəngəzur dəhlizində daşınmalar, tariflər və digər iqtisadi məsələlər müzakirə oluna bilər, deyə deputat qeyd edib.
Parlamentari iki ölkənin Xarici İşlər Nazirliklərinə sülh sazişinin mətni üzərində işə başlamaq tapşırığının verilməsini Brüssel görüşünün ən vacib yekunu hesab edir.
"Bu da onu göstərir ki, məsələləri ümumi sözün arxasında uzatmaq qeyri-mümkündür (Ermənistan tərəfdən)", deyə deputat bildirib. -16B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz