Qarabağ müharibəsi əlili Zaur Həsənovun ölümünə etiraz olaraq bazar günü keçirilən aksiyanın digər 7 iştirakçısı inzibati cəzaya məruz qalıb.
Dekabrın 30-da Müsavat Partiyasının fəalları Orxan Eyyubzadə 18 sutka, Cavid Hacıbəyli 16 sutka, Tural Sadıqlı17 sutka inzibati həbs alıblar. AXCP üzvləri Orxan Carçı və Türkel Əlisoy 15 və 15 sutka həbs cəzası alıblar.
Onlar İnzibati Xətalar Məcəlləsinin 298.2-ci maddəsi (toplantıların təşkili və keçirilməsi qaydasının pozulması) ilə təqsirli bilinirlər. Bu barədə Turan-a Müsavat Partiyasının İdarə Heyətinin üzvü Tural Abbaslı məlumat verib.
AXCP fəalları Bəyim Həsənli və Kəmalə Bənənyarlı 400 və 500 manat cərimə olunublar.
B.Həsənli bildirib ki, müttəhimlər dövlət vəkilləri ilə təmin olunublar, lakin onlar həmin vəkillərin xidmətlərindən imtina ediblər.
Ötən gün aksiya iştirakçılarından biri Samir Poladov 15 sutka həbs edilib, 14 nəfər cərimələnib.—16B—
* * *
2013 Dekabr 30 (Bazar ertəsi) 01:00:10
Bakı/30.12.13/Bakı: Özünü yandıraraq ölən Qarabağ qazisi Bazar günü etiraz aksiyasının 15 iştirakçı inzibati cəzaya məruz qalıb. Saxlanılanların bir nəfəri 15 sutka həbs olunub, 14 nəfər cərimələnib.
Bitərəf Samir Poladov 15 sutka həbs cəzası alıb.
AXCP üzvləri Toğrul İbrahimli, Sabir Məmmədov, Natiq Rüstəmli, Qərib Musayev, Bəxtiyar Hüseynov, Çilənay Seyidli, Kamilla Əhmədova, Mahirə Hüseynova, həmçinin Müsavat Partiyasının fəalı Xəyyam Məmməd və Ələkbər Rzayev 300 manat cərimələniblər.
İki nəfər Qarabağ müharibəsi veteranı Cavanşir Osmanlı və İldırım Təhməzov müvafiq olaraq 300 və 350 manat cərimə olunublar.
İki bitərəf Novruz Novruzov və Məcid Vahid 300 və 500 manat cərimə olunublar.
AXCP üzvləri Kəmalə Bənəyarlı, Bəyim Həsənli, Orxan Carçı, Türkel Azərtürk və Müsavat Partiyasının fəalı Cavid Hacıbəyli dekabrın 30-da polisə gəlmələri barədə iltizam verdikdən sonra buraxılıblar. —06D--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz