Əziz Orucovun işi üzrə prosesdə
Bakı/10.10.17/Turan: Bu gün Bakı Ağır Cinayətlər Məhkəməsində Mirzə Xankişiyevin sədrliyi ilə "Kanal-13" internet televiziyasının direktoru Əziz Orucovun işi üzrə proses başlayıb.
O, mayın 2-də polisə tabe olmama ittihamı ilə inzibati qaydada 30 gün müddətinə həbs edilib. Bu müddət başa çatdıqdan sonra ona qarşı CM-in 192.2.2 (böyük gəlir əldə etməklə qanunsuz sahibkarlıq) və 308.2-ci (vəzifə səlahiyyətlərindən sui-istifadə, ağır nəticələrə səbəb olduqda) maddələri ilə cinayət ittihamı irəli sürülüb.
Jurnalist ittihamları təkzib edib. Hüquq müdafiəçiləri onu siyasi məhbus kimi tanıyıblar.
Vəkil Cavad Cavadov qətimkan tədbirinin ev dustaqlığı və ya girova buraxılma ilə əvəz edilməsi barədə vəsatət qaldırıb, amma vəsatət təmin edilməyib. Daha sonra prokuror ittiham aktını elan edib. Orucov ittihamları təkzib edib. Məhkəmə həmçinin şahid ifadələrini dinləyib.
Təqsirləndirilən şəxsin anası Almaz Həsənova bildirib ki, digər oğlu Anar Orucov ölkədən getdikdən sonra Əziz "Qafqaz" Media Araşdırmaları Mərkəzi QHT-yə rəhbərlik edib, amma təşkilatın heç bir real fəaliyyəti yox idi. Onun sözlərinə görə, qardaşlar təşkilatı birlikdə yaratmışdılar, qrant alır, layihələr həyata keçirirdilər.
"Əziz pul mənimsəməkdə ittiham olunur... Bilmirəm, qanunda bir qardaşın başqa qardaşın əvəzinə cəzalandırılması barədə bir şey var? Cüzi bir şey olubsa da, bunu Anar edib, Əziz heç bir sənəd imzalamırdı", deyə A.Həsənova bildirib.
Orucovun həyat yoldaşı Lamiyə Orucova qeyd edib ki, o da "Kanal-13"də işləyirdi. "Əziz kanalda adi jurnalist idi. Anar getdikdən sonra Əziz telekanala rəhbərlik etməyə başlayıb", deyə o bildirib. Əziz Orucov əməkdaşlara əmək haqqı ödəmək üçün axşamları "Uber" taksi ilə sərnişin daşıyırdı, deyə o qeyd edib.
Proses oktyabrın 17-də davam edəcək. -16D06-
Cəmiyyət
-
Bazar günü Bakıda və Abşeron yarımadasında havanın dəyişkən buludlu olacağı, arabir tutulacağı gözlənilir.
-
Azərbaycan bu il noyabrın 11-dən 22-nə kimi BMT-nin İqlim Dəyişikliyi Konfransına (COP29) ev sahibliyi edəcək. Rəsmi məlumatlara görə, ölkəyə 11 gün davam edən bu tədbirə qatılmaq üçün 50-70 min civarında qonağın gəlməsi planlaşdırılır.
-
Şənbə günü Bakıda və Abşeron yarımadasında yağıntı gözlənilmir, şimal-qərb küləyi cənub küləyi ilə əvəz olunacaq.
-
Son günlər yağışlar nəticəsində Bakının Binəqədi rayonunun bəzi ərazilərində, Abşeron rayonunda müəyyən yerlərdə evləri su basıb. Sakinlər şikayətlənir ki, bu hal illərdir baş verir. Biləcəri qəsəbəsində yaşayan Mahir Məmmədov AzadlıqRadiosuna bildirib ki, üç gün əvvəl, mayın 6-da yağan leysandan sonra evinə su dolub: "Bizdə həyət evidir. Yağış yağıb, evim su içindədir, mebellərimə də ziyan dəyib. Bu vəziyyət illərdir davam edir. Şikayət etmədiyimiz qurum qalmadı. Hər dəfə deyirlər ki, nasoslar çatdırmır, düzələcək, amma düzəlmir".
Rəy yaz