Fatimə Mövlamlı: Mən evdəyəm, narahatlığa əsas yoxdur (YENİLƏNİB)

Bir qədər öncə Fatimə Mövlamlı facebook səhifəsində öz video müraciətini paylaşıb https://web.facebook.com/100010250138975/videos/600769133608086/?id=100010250138975&hc_ref=ARRATKOdE0WqCgQXeyP5btaq9_143UAjcgvHbhyhJ9BNbMG9BZiWb17_zYUOpQleXhw

O bildirir ki, son 4-5 gündə şəxsi həyatında problemlər olduğundan telefonunu söndürüb və rəfiqəsi ilə birgə qalıb.

"Mən rəfiqəmlə qalırdım. Telefonu söndürmək məcburiyyətində oldum. Bir dəfə anama zəng etdim ki, məndən narahat olmamanız üçün məlumat versin", o qeyd edir.

Mövlamlı onun barəsində sosial şəbəkələrdə yayılan məlumaytları əsassız sayır.

"Məni yaxından tanıyan insanlar bilir ki, haqqımda hər şey yazmaq olar. Amma əxlaqsızlıq, guya haradasa tutulmuşam kimi yazılan məlumatlara inanmayın. Mən tutulmamışam. Evimizdəyəm, hər şey qaydasındaıdr. Sizi narahat qoyduğuma görə üzürlü sayın ", o qeyd edib.

* * *

2018 Aprel 05 (Cümə axşamı) 22:56:55

"Fatimə Mövlanlını azad edin!" kampaniyası start götürür

Bakı/05.04.18/Turan: Aprelin 5-də Azərbaycan vətəndaş cəmiyyəti nümayəndələrinin iclasının yekunlarına görə "Fatimə Mövlanlını azad edin!" çağırışı ilə kampaniya elan edilib.

İctimai fəal Fatimə Mövlanlı martın 31-də müxalifətin mitinqindən sonra oğurlanıb.

Bir müddət əvvəl mitinq ərəfəsində müxalifət plakatlarını yapışdırdığına görə onu artıq saxlamışdılar və Bakının Binəqədi rayon 4-cü polis bölməsinə aparmışdılar. Onu, eləcə də digər fəalları hədələyib, siyasi aksiyalara son qoymağı, "Diktatoru tanıyın!" aksiyasında iştirak etməməyi tələb etmişdilər.

Aprelin 5-də keçirilən toplantıda Fatimə Mövlanlının işi üzrə xüsusi qrup formalaşdırmaq, həmçinin hüquq-mühafizə orqanlarına və Prezident Administrasiyasına onun azad edilməsi çağırışı ilə müraciətlər göndərmək qərarı verilib.

İclas iştirakçıları, istisnasız olaraq, hesab edirlər ki, Mövlanlının oğurlanmasının arxasında hakimiyyət durur. Əvvəllər müxtəlif illərdə fəalların oğurlanması faktları qeydə alınıb, sonradan onlar polis şöbələrində tapılıb.

Qrupun işinin koordinasiyasını Siyasi Məhbusları Müdafiə Mərkəzi öz üzərinə götürüb.

Mərkəzin koordinatorlarından olan Oqtay Gülalıyev ən ağır şəraitdə olan siyasi məhbusların vəziyyətinə diqqət yetirmək zərurətini qeyd edib. Bu təşəbbüs bütün iştirakçılar tərəfindən dəstəklənib.

Qeyd edək ki, fəalın yoxa çıxmasından ötən 5 gün ərzində hüquq-mühafizə orqanları səssizliyi davam etdirir və hadisə ilə bağlı heç bir reaksiya vermir. -0-