Bakı/03.08.23/Turan: “Demokratiya 1918” Hərəkatı nəzdnində İşçi Masası Həmkarlar İttifaqları Konfederasiyasının sədri Afiəddin Məmmədov Daxili İşlər Nazirliyinin İnzibati Həbs Olunanların Saxlanma Məntəqəsində aclıq aksiyasına başlayıb. Bu barədə Turan-a “Demokratiya 1918” Hərəkatının rəhbəri Əhməd Məmmədli fəalın vəkilinə istinadən məlumat verib.
Məmmədlinin sözlərinə görə, Afiəddin Məmmədov onun barəsində çıxarılmış iki məhkəmə qərarının ləğv edilməsini və telefon danışıqları hüququnun təmin edilməsini tələb edir.
Avqustun 2-də Bakı şəhəri Xətai Rayon Məhkəməsi Məmmədovu 500 manat məbləğində cərimələyib. O İnzibati Xətalar Məcəlləsinin (İXM) 528.1-ci (Məhkəmə və digər orqanların qərarlarının icrası ilə əlaqədar icra məmurunun tələblərinin yerinə yetirilməməsi) maddəsi ilə tqsirli bilinib.
Elə həmin gün Yasamal Rayon Məhkəməsi isə Məmmədov barəsində İXM-nin 510-cu (xırda xuliqanlıq) və 535.1-ci (Polis işçisinin və ya hərbi qulluqçunun qanuni tələbinə qəsdən tabe olmama) maddələri ilə 30 sutka inzibati həbs cəzası verib.
Əhməd Məmmədli daha sonra bildirib ki, hər iki qərar əsassızdır və onlardan şikayətlər verilib.
Belə ki, həbs qərarından Apellyasiya Məhkəməsinə şikayət edilib.
Vəkil həmçinin Xətai rayon məhkəməsinə müraciət edərək Məmmədovun tutulması və cəriməyə məruz qalmasının qanunsuz hesab edilməsini xahiş edib.
Xətai rayon məhkəməsində verilən şikayətə avqustun 4-də saat 15.50-də baxılacaq.
*Afiyəddin Məmmədov avqustun 1-də yol hərəkəti qaydalarındakı yeniliklərə görə motoskuterlərinin əlindən alınmasından narazılıqlarını bildirən ərzaq çatdıran kuryerlərin etirazından sonra saxlanılıb. Məmmədov “Demokratiya 1918” Hərəkatının nəzdində fəaliyyət göstərən Həmkarlar İttifaqları Konfederasiyasının rəhbəri olmaqla, digər fəaliyyət sahələrində kuryerlərin və işçilərin əmək hüquqlarını fəal şəkildə müdafiə edir. Avqustun 2-də məhkəmənin qərarı ilə o, 30 sutka müddətinə həbs edilib.
Daxili İşlər Nazirliyi bildirib ki, Məmmədov “məhkəmə tərəfindən müəyyən edilmiş borc öhdəliklərini ödəmədiyinə görə axtarışa verilməsi ilə bağlı” həbs edilib.
**“Demokratiya 1918” Hərəkatı yanında Həmkarlar İttifaqları Konfederasiyası özünü hökumətyönlü Azərbaycan Həmkarlar İttifaqları Konfederasiyasına alternativ kimi təqdim edir.-06B-
Cəmiyyət
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
Rəy yaz