Bakı/31.05.18/Turan: AXCP Gədəbəy rayon təşkilatının sədri Ramiz Novruzov özünə və ailə üzvlərinə ciddi təzyiqlərin olduğunu bildirib.
R.Novruzov Gədəbəy rayonunun keçmiş icra başçısı, öncə narkotik maddə, sonra isə Xalq Cəbhəsi Partiyasının qanunsuz maliyyələşdirilməsində ittiham olunan Saleh Rüstəmovu müdafiə etdikdən sonra ona qarşı təqiblər başlayıb.
R.Novruzov Turan agentliyinə bildirib ki, Prezident Administrasiyasına müraciət hazırlayıb. Müraciətdə 1992-1993-cü illərdə S.Rüstəmovun rayona rəhbərlik etdiyi dövrdə Başkəndin azad edilməsində və digər yaşayış məntəqələrinin erməni təcavüzündən müdafiəsində onun rolundan danışıb. Müraciəti 120 nəfər imzalayıb.
Bundan sonra Bakıdan göstəriş gəlib ki, R.Novruzovun xanımının (hakim Yeni Azərbaycan Partyasının üzvüdür) rəhbəri olduğu uşaq bağçasında yoxlama aparılsın.
R.Novruzovun sözlərinə görə, həyat yoldaşına təzyiq göstərməyə başlayıblar. Bu səbəbdən R.Novruzov bosanmaq istəyir ki, xanımını rahat buraxsınlar.
Xatırladaq ki, S.Rüstəmov və qohumu Vidadi Rüstəmli üç həftə öncə narkotik maddə ittihamı ilə həbs olunublar.
Ancaq mayın 26-da Baş Prokurorluq və DİN bildirib ki, o, qanunsuz sahibkarlıqda və çirkli pulların yuyulmasında ittiham olunur. Rəsmi versiyaya görə, Rusiyada bizneslə məşğul olan S.Rüstəmov AXCP-nin fəaliyyətinin maliyyələşdirilməsi üçün sahibkarlardan pul yığıb. Pul bank dövriyyəsindən yan keçməklə AXCP fəallarına çatdırılıb. Bu iş üzrə AXCP fəalları Babək Həsənov, Aqil Məhərrəmov və Ruslan Nəsirli həbs olunub.
AXCP-də pulların yuyulması ittihamını absurd adlandırıblar.-05B06--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz