Bakı/07.10.22/Turan: Fəallar Gülmirə Aslanova və Sevinc Sadıqova 30 sentyabr aksiyasında saxlanıldıqdan sonra polis əməkdaşlarının onlara qarşı zorakılıq hərəkətlərilə bağlı vəkil vasitəsilə Baş Prokurorluğa şikayət ediblər.
“Bizi aksiya zamanı saxladılar və şəhər kənarındakı “maşın bazarı”na apardılar. Bizi şəhərə qaytarmalarını tələb etdik. Sevinc Sadıqova birbaşa efirə çıxanda bizi demək olar ki, maşından atdılar”, - Aslanova deyib və əlavə edib ki, polis əməkdaşlarından biri onun telefonunu əlindən alıb və fiziki güc tətbiq edib.
Onun sözlərinə görə, bundan sonra polis onları yenidən saxlayıb və Bakı Şəhər Baş Polis İdarəsinə aparıb.
Orada onlardan üzr istəyiblər və oktyabrın 6-da gəlib ifadə verməyi təklif ediblər.
“Dünən rəsmən ifadə verdik. Bizi əmin etdilər ki, oktyabrın 3-də güc tətbiq edən polisə qarşı araşdırma başlayıb”, - Aslanova deyib.
Bununla belə, fəallar vəkil Zibeydə Sadıqovanın vasitəsilə Baş Prokurorluğa şikayət göndəriblər və şikayətə bədənlərindəki zorakılıq izlərinin fotosunu əlavə ediblər.
Qeyd edək ki, sentyabrın 30-da Azərbaycan Xalq Cəbhəsi Partiyası partiyalar haqqında yeni qanun layihəsinə etiraz olaraq aksiya təşkil edib. Polis aksiyanın şəhər rəhbərliyilə razılaşdırılmadığını əsas gətirərək onun qarşısını alıb. Daxili İşlər Nazirliyinin məlumatına görə, aksiya zamanı saxlanılan olmayıb. 06B
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz