Bakı/14.06.18/Turan: İyunun 14-də REAL Partiyasının lideri İlqar Məmmədovun ad günüdür. O, beşinci ad gününü həbsxana divarları arxasında qarşılayıb.
Bu gün Məmmədovun bir qrup tərəfdarı onun həbs cəzası çəkdiyi 2 saylı Cəzaçəkmə Müəssisəsinin qarşısına gələrək aksiya keçirib. Aksiya iştirakçıları REAL liderinin ad günü münasibəti ilə həbsxana üzərindən şar çələngi uçurub, "İlqar Məmmədova azsadlıq" şüarları səsləndirib.
İlqar Məmmədov 2013-cü ilin yanvarında İsmayıllıda kütləvi iğtişaşların təşkilində ittiham olunaraq 7 il müddətinə azadlıqdan məhrum edilib.
Avropa İnsan Hüquqları Məhkəməsi (AİHM) 2014-cü ilin mayında İlqar Məmmədovun azadlıq hüququ və təqsirsizlik prezumpsiyasının pozulmasını tanıyıb. Ancaq o, hələ də azadlığa buraxılmayıb.
2017-ci il dekabrın 5-də Avropa Şurası Nazirlər Komitəsi (AŞNK) AİHM-nin İlqar Məmmədovla bağlı qərarının nəzərə alınmamasına görə Azərbaycana qarşı xüsusi prosedura başlanması barədə keçid qətnaməsi qəbul edib.
Avropa İnsan Hüquqları Məhkəməsinin İlqar Məmmədovla bağlı 2017-ci il noyabrın 16-da çıxardığı ikinci qərar da icra edilmir. Qərar 2018-ci ilin martın 5-də qəti hüquqi qüvvəyə minib və icrası üçün 3 ay müəyyən edilib. Lakin icra müddəti iyunun 5-də bitməsinə baxmayaraq, Ali Məhkəmənin Plenumu hələ də Avropa Məhkəmənin qərarının icrası ilə bağlı məsələyə baxmayıb. -03B-
Cəmiyyət
-
Milli Hidrometeorologiya Xidmətinin məlumatına görə, Bakıda və Abşeron yarımadasında yanvarın 15-də hava əsasən dəyişkən buludlu, ara-sıra tutulmalı, ümumən yağmursuz keçəcək. Lakin gecə və səhər saatlarında bəzi yerlərdə çiskin müşahidə oluna bilər.
-
Yanvarın 14-də Ermənistan və Amerika Birləşmiş Ştatları (ABŞ) arasında strateji tərəfdaşlıq haqqında xartiya imzalandı. ABŞ Dövlət katibi Antoni Blinken bu sənədlə bağlı danışarkən vurğulayıb ki, onlar Ermənistanla onun suverenliyi və ərazi bütövlüyünü qorumaq üçün səyləri gücləndirmək üzərində işləyirlər. O, strateji tərəfdaşlıq haqqında sənədin “daha dayanıqlı, dinc, təhlükəsiz və müstəqil” Cənubi Qafqazın yaradılmasına töhfə verəcəyinə əminliyini ifadə edib.
-
Məmnuniyyətlə bildiririk ki, saytın normal fəaliyyəti artıq tam şəkildə bərpa olunub.
-
Kömək üçün Turan agentliyinə müraciət edən və adının açıqlanmasını istəməyən zərərçəkən bildirib ki, 2024-cü ilin iyulunda öz evinin rekonstruksiyası üçün "DREAM CONSTRUCTİON Azerbaijan" şirkəti ilə rəsmi müqavilə bağlayıb: "Bu 58 000 manatlıq müqavilə idi. Mən “Algaplaza”da şirkətin ofisində 44 000 manat ödədim və qalan məbləği də açarları təhvil verərkən ödəmək niyyətində idim.
Rəy yaz