Gənc fəal Amid Süleymanov 1 oktyabr saat 8-də Bakı şəhər 5-ci polis bölməsinə çağırılıb. Gənc getdikdən sonra ondan xəbər alınmayıb. Polis bölməsindən Amidin atası Yusif Süleymanova bildiriblər ki, oğlu orada yoxdur. Bu barədə ata Meydan TV-yə bildirib.
Bir müddət əvvəl Amid Süleymanov öz facebook səhifəsində ondan səbəblərini izah etmədən polisə gəlməyi tələb etdiklərini yazmışdı.
Bu il mayın 25-də Süleymanov artıq polis tərəfinən saxlanılıb və 10 gün müddətinə həbs olunub.
Son günlər fəalların və jurnalistlərin polisə çağırılması müşahidəçilər tərəfindən hüquq-mühafizə orqanlarının gələcək “ifşalara” hazırlığı kimi izah olunur. Yəni konkret şəxslər barəsində dosye və digər materiallar toplanır, hakimiyyətə lazım olduqda onlardan istifadə olunacaq. -16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz