Bakı/10.03.20/Turan: Feminist Aysel Ələkbərzadənin intihara cəhd faktı üzrə 125-ci maddə (özünü öldürmə həddinə çatdırma) ilə cinayət işi başlanıb. Bu barədə Baş Prokurorluq və DİN mətbuat xidmətlərinin birgə məlumatında bildiirlir.
İstintaq zamanı müəyyən edilib ki, qız 10 mart saat 05:42-də kirayədə qaldığı mənzilin ikinci mərtəbəsindən özünü atıb.
Bundan öncə oz tanışı ilə birlikdə spirtli içki qəbul edib.
A.Ələkbərzadə yerə düşməsi nəticəsində kəllə-beyin travması alıb və ayağı sınıb. O, Kliniki Tibbi Mərkəzin reanimasiya şöbəsinə aparılıb, vəziyyəti orta ağır kimi qiymətləndirilir.
Onun tanışı Yusif İsayev ifadə verib ki, A.Ələkbərzadə ilə pivə içdikdən sonra spirtli içki almaq üçün mağazaya gedib. Qayıdanda görüb ki, qız özünü atmaq istəyir, ancaq onu tuta bilməyib.
Bundan öncə saat 04:13-də qız öz Facebook səhifəsində yazıb ki, onu intihar həddinə rəfiqəsi, onun həyat yoldaşı və digər tanışlar çatdırıblar.
A.Ələkbərzadə martın 8-də Bakıda bir qrup feministin təşkil etdiyi icazəsiz aksiyada fəal iştirak edib. Mətbuat açıqlamasında deyilir ki,
Sosial şəbəkələrin istifadəçiləri aksiya zamanı nümayiş etdirdiyi plakatlara və etdiyi çağırışlara görə onu qınayıblar, məlumatda deyilir.
A.Ələkbərzadəni intihara sövq edən hərəkətlərə hüquqi qiymət verilməsi, günahkarların müəyyən edilməsi üçün istintaq- əməliyyat tədbirləri davam etdirilir. –06В-
* * *
2020 Mart 10 (Çərşənbə axşamı) 16:46:08
Feministlərin yürüşünün iştirakçısı intihara cəhd edib
Bakı/10.03.20/Turan: Bazar günü Bakının mərkəzində feministlərin keçirdiyi aksiyanın iştirakçısı Aysel Ələkbərzadə martın 10-da intihara cəhd edib. Seksual azadlığa çağıran şüar səbəbindən ətrafdakıların kəskin tənqid və təzyiqinə məruz qalan qız ikinci mərtəbədən özünü atıb.
“O, sol bud sümüyünün sınığı diaqnozu ilə Kliniki Tibbi Mərkəzə yerləşdirilib. Vəziyyəti ağırdır, əməliyyata hazırlanır”, - İcbari Tibbi Sığorta Agentıiyinin mətbuat xidmətindən Turan-a bildiriblər.
Ötən gün fəal Facebook səhifəsində yazıb ki, intiharında şəxsi münasibətlər zəminində bir sıra şəxsləri günahlandırır.
Yürüşün digər iştirakçısı Zəhra Kələntərova dayısının ona təzyiq göstərdiyini bildirib. Onun sözlərinə görə, qohumu onu ədəbsiz davranışına görə öldürəcəyi ilə hədələyib. -03B-
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz