Source: SOCAR
Fırtına ilə əlaqədar neftçilər təxliyə edilib
Bakı/30.03.18/Turan: Martın 30-31-də davam edəcəyi gözlənilən fırtınalı hava ilə əlaqədar ayın 30-da 1000-dən çox neftçi Dövlət Neft Şirkətinin (SOCAR) platformalarından təxliyə edilib. Sinoptiklər açıq dənizdə küləyin gücünün 30-35 m/san-yə çatacağını proqnozlaşdırırlar.
Neftçilər helikopterlər və gəmilərlə təxliyə olunub.
SOCAR-ın məlumatına görə, dəniz yataqlarında açıq havada işlər, nəqliyyatın və əməkdaşların estakadalarda və platformaların istehsalat meydançalarında hərəkəti maksimum məhdudlaşdırılıb.
Bundan başqa, tikintilərin və qurğuların təhlükəsiz vəziyyətə gətirilməsi ilə bağlı göstəriş verilib, növbətçilik təşkil olunub.
Bu təhlükəsizlik tədbirləri dəniz estakadalarında baş vermiş bir neçə faciəvi hadisə ilə izah olunur. Son 2-3 ildə fırtına zamanı estakadaların uçması və yanğınlar nəticəsində 40-dan çox neftçinin həlak olub. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz