Flavio Briatore: Mən olmasam, Bakıda Formula-1 olmazdı

Benetton və Renault-un keçmiş rəhbəri Flavio Briatore bildirib ki, bu həftəsonu inauqurasiya mərhələsi keçiriləcək Formula-1 yarışını Bakıda keçirməyi ilk olaraq məhz o təklif edib.

“Mən olmasam, Qran Pri Bakıda olmazdı, - deyə Briatore Gazzetta dello Sport-a müsahibəsində bildirib. – Üç il əvvəl mən Sardiniyada Azərbaycan prezidenti ilə görüşdüm və ona təklif etdim: “Niyə Formula-1 yarışı sizin ölkədə keçirilməsin?” Bu ideya onun xoşuna gəldi.

Daha sonra o, məni Bakıya dəvət etdi. Biz helikopterlə şəhər üzərində uçduq və o, mənə yolun harada çəkilə biləcəyini göstərdi. Mən ona dedim: “Bu, fantastik görünür”.

Bundan sonra mən o vaxt hələ Azərbaycanın harada olduğunu belə bilməyən Berni Ekklstounla əlaqə saxladım. Yarım il sonra müqavilə bağlandı”, deyə o bildirib.

Flavio Briatore məşhur İtaliya biznesmenidir, onun var-dövləti 150 milyon dollar olaraq qiymətləndirilir. Formula-1-in müvəffəqiyyətli meneceri kimi məşhurdur.

Əvvəllər o, restoran biznesi ilə məşğul olurdu, daha sonra birjada oynayırdı və ABŞ-da “Benetton” şirkətinin meneceri idi, geyim mağazaları şəbəkəsinə rəhbərlik edirdi.

1988-ci ildən Briatore Formula-1-də “Benetton” komandasına rəhbərlik edib. 90-cı illərin sonlarında Beneton ailəsi ilə münaqişədən sonra Briatore şirkəti tərk edib və Supertec adı altında öz şirkətini qurub, Formula-1 komandası üçün Reno mühərrikləri ixrac edib.

2001-ci ildə Briatore “Benetton” komandasının rəhbərliyinə qayıdıb və 2009-cu ildə Avtomobil İdamnı üzrə Ümumdünya Şurası onu 2008-ci ildə Nelson Pikenin qəzasını təşkil etdiyinə görə ömürlük diskvalifikasiya etdikdən sonra qalmaqalla vəzifədən gedib. Amma sonradan Paris məhkəməsi Briatorenin ömürlük diskvalifikasiyasını ləğv edib.

Briatore top-modellərlə qalmaqallı romanlarına görə İtaliya tabloidlərinin daimi fiqurantıdır. O, model Naomi Kempbellin keçmiş sevgilisi kimi məşhurdur. Sonradan onlar qalmaqallı şəkildə ayrılıblar. Digər model Haydi Klumdan Flavionun qızı var. 18 iyun 2008-ci ildə Briatore italiyalı model Elizabet Qreqoraçi ilə evlənib.

2016-cı ildə Briatore Bakıda İlkin Məmmədli ilə tanış olub, bu, onun həyatını kəskin şəkildə dəyişib. -0-