Baku City Circuit əməliyyat şirkəti "Formula-1" avtomobil yarışlarının Bakı mərhələsi üçün bilet qiymətlərinin bahalaşması haqqında məlumatları təkzib edib. Əməliyyat şirkətinin məlumatında deyilir ki, qiymətlər dollarla müəyyən olunub və onlarda hər-hansı dəyişiklik yoxdur.
Bu zaman Azərbaycan vətəndaşları üçün 20-40% endirim müəyyən edilib və qiymətlər 19 dollardan 472 dollara qədər dəyişir. Qeyd edək ki, 19 dollar ayaqüstü yerlərə və yalnız yarışın ilk günü - məşq sürülərinə olan biletlərin qiymətidir.
Elə həmin yerlərə üç günlük çıxışı təmin edən biletlər isə 89 dollara başa gələcək. Oturacaqlı yerlərin biletləri üç günlük olacaq. Belə ki, "Xəzər" tribunasında (Neftçilər prospektində muzey mərkəzinin qarşısında) və "Bulvar" tribunasında (Muzey Mərkəzinin qarşısında Bulvar tərəfdə) biletlərin qiyməti 120 dollar olacaq.
"Qız Qalası" və "Filarmoniya" tribunalarında biletlər 188.5 dollar olacaq. "Sahil" və "Muğam" tribunalarında (bulvarda) biletlərin qiyməti 245 dollar təşkil edəcək.
"İçərişəhər" (Gənclər meydanı tərəfdən) və "Azneft" tribunasında biletin qiyməti 294 dollar təşkil edəcək. Nəhayət, yarışların start və finişini müşahidə etməyin mümkün olacağı "Abşeron" tribunasında bir biletin qiyməti 472 dollar olaraq müəyyən edilib. -06D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz