2015-ci ildə Avropa-Qafqaz-Asiya beynəlxalq nəqliyyat dəhlizinin Azərbaycan sahəsi ilə 9, 5 mln ton tranzit yük daşınıb. Əvvəlki illə müqayisədə tranzit daşımaları dörddə bir (25,7%) azalıb.
Dövlətstatkomda Turan-a bildiriblər ki, dəniz nəqliyyatı ilə 5 mln 567,2 min ton (-32,7%), dəmir yolu ilə 3 mln 926,8 min ton (-12,8%) yük daşınıb.
Ötən il nəqliyyatçılar tranzit daşımalarından 124,4 mln manat əldə ediblər. Bu, 2014-cü ildəkindən 3,4% azdır. Daşımaların azalmasına baxmayaraq, «Azərbaycan Dəmir Yolları» əvvəlki ildəkindən 5,9% çox (55,2 mln manat) gəlir əldə edib. Bu göstərici manatın 80% devalvasiyasının nəticəsidir.
Maraqlıdır ki, Rusiya ilə Türkiyə arasında münasibətlərin pisləşməsi səbəbindən Türkiyə yük avtomobillərinin bir hissəsi Azərbaycandan keçir. Amma DSK onların uçotunu apara bilmir, çünki bu, Azərbaycanın yük daşıyıcılarının iştirakı olmadan həyata keçirilir, deyə DSK-da Turan-a bildiriblər. --08D—
İqtisadiyyat
-
Qazaxıstanın energetika naziri Almasadam Satkaliev bazar ertəsi bildirib ki, Qazaxıstan və Azərbaycan 2022-ci ilin yazından dayanan Bakı-Supsa neft kəməri ilə Qazaxıstan neftinin nəqli imkanlarını müzakirə etməkdə davam edir, bu barədə Qazaxıstan KİV-ləri məlumat verib.
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
Rəy yaz