Formula-1 yarışlarının təşkilatçıları bakılıları «sevindiriblər»

Formula-1 yarışlarının təşkilatçıları yarışların keçiriləcəri küçələrdə şənbə günü hərəkətdə növbəti məhdudiyyətlərin olacağını bildiriblər.

Bundan əlavə, tamaşaçılar üçün obyektlərin ətrafında təhlükəsiz hərəkət edə biləcəkləri bir sahə yaratmaq, yarış obyektinin ətrafında yaşayan sakinləri qorumaq, bu ərazidə fəaliyyətin və Bakıdakı yollarda hərəkətin davam etməsini təmin etmək məqsədilə Nəqliyyatın İdarə Olunması Planı hazırlanıb.

Plana əsasən Bakı Şəhər Halqasının keçdiyi küçələr və trekin əhatə etdiyi ərazilər iyunun 14-də gecə saat 01:00-dan etibarən nəqliyyatın hərəkəti üçün bağlı olacaq. Bu yerlərdə nəqliyyatın hərəkətinə qoyulmuş məhdudiyyət iyunun 21-də səhər saat 06:00-da aradan qaldırılacaq.

Formula 1 səhərciyinin olduğu Dənizkənarı Park ərazisi iyunun 15-də gecə saat 01:00-dan bağlı olacaq

Burada əhalinin girişinə qoyulmuş məhdudiyyət iyunun 20-də saat 12:00-da aradan qaldırılacaq.

Yarışa bileti olan azarkeşlər Dənizkənarı Park ərazisinə iyunun 16-da günorta saat 12:00-dan daxil ola biləcəklər.

Xatırladaq ki, Formula-1 yarışları iyunun 19-da saat 17:00-da başlayacaq.-02D-