Fransa-Azərbaycan Universiteti birinci ilə yekun vurub

Bakı/02.06.17/Turan: Fransa-Azərbaycan Universiteti (UFAZ) Azərbaycan vətəndaşlarının Fransa təhsili almasına imkan yaradır, bu barədə Azərbaycan Dövlət Neft və Sənaye Universitetinin rektoru Mustafa Babanlı bildirib.

Dövlət Neft və Sənaye Universitetinin tərkibində fəaliyyət göstərən UFAZ-ın fəaliyyətinin birinci ilinə yekun vuran rektor bildirib ki, birinci ildə universitetə 141 tələbə daxil olub, onların 120-si dövlət sifarişi ilə, 20-si isə ödənişli əsaslarla təhsil alır.

Tədris Strasburq və Renn-q universitetlərinin proqramı əsasında aparılır və məzun universiteti bitirdikdən sonra dərhal iki diplom alacaq - Strasburq Universitetinin və ADNSU-nun diplomunu.

"Gələn tədris ili üçün Dövlət İmtahan Mərkəzi (DİM) sistemi ilə imtahan vermiş 160 tələbəni qəbul etmək planlaşdırılır.

Qalan boş yerlərə xarici tələbələrin cəlb olunması planlaşdırılır. Hazırda əcnəbilər üçün yer ayrılması məsələsinə baxılır", deyə Babanlı bildirib.

Rektor qeyd edib ki, hazırda müəllim heyəti dörd Fransa və Fransa mütəxəssisləri tərəfindən seçilmiş yeddi Azərbaycan müəllimindən ibarətdir.

Universitetin fəaliyyəti genişləndikcə, müəllim heyəti genişlənəcək və məqsəd odur ki, müəllimlərin 50%-nin Strasburq Universitetinin ştatlı müəllimi olsun.

Bu gün artıq Fransa və Azərbaycan şirkətləri universitetin tələbələri ilə maraqlanır, bu, məzunların gələcəkdə işə düzəlməsi üçün vacib məqamdır, deyə rektor bildirib.

Fransanın Azərbaycandakı səfiri Oriel Buşe öz növbəsində bildirib ki, universitetə DİM sistemi ilə 500-700 bal yığan abituriyentlər daxil ola bilər. Bundan başqa, ADNSU-nun birinci kursunun ən yaxşı tələbələri ikinci kursdan təhsili UFAZ-da davam etdirə bilər.

"UFAZ-da təhsil frankofoniya ölkələrində təhsili davam etdirmək və ya işə düzəlmək imkanı verir. Bu yay universitetin 40 tələbəsi Strasburqda yay məktəbinə göndəriləcək. Orada onlar universitet şəhərciyində yaşayacaqlar və Fransa mədəniyyəti ilə tanış ola biləcəklər", deyə o bildirib. -71D-

Rəy yaz

Cəmiyyət

Грузия меняет западную ориентацию и идет на сближение с Россией? - беседа с экспертом по Кавказу Вадимом Дубновым в программе "Çətin sual"



Bizi sosial şəbəkələrdə izləyin

Xəbər lenti