Azərbaycanın XİN rəhbəri Elmar Məmmədyarov fransalı həmkarı Loran Fabiusun dəvətilə iyulun 31-də Parisə səfər edəcək. Bu barədə Fransanın Azərbaycandakı səfiri Paskal Monye iyulun 14-də Fransanın milli bayramı – Bastiliyanın alınması günü münasibətilə keçirilən təntənəli qəbul zamanı bildirib.
Fransalı diplomat müxtəlif sahələrdə ikitərəfli münasibətlərin uğurlu inkişafını qeyd edib. O, Azərbaycanın həm enerji, həm də qeyr-neft sektorunda Fransa şirkətlərinin iştirakını bildirib.
Səfir nəqliyyat, ətraf mühit, şəhər infrastrukturu, kənd təsərrüfatı və digər sahələrdə əməkdaşlığın inkişafı üçün potensialın olduğunu vurğulayıb.
P.Monye həmçinin təhsil, mədəniyyət, humanitar sahələrdə əlaqələrin inkişafına diqqəti yönəldib. O, Bakıda fransız litseyinin inşasını xüsusilə qeyd edib. Burada 700 şagird təhsil alacaq.
Mədəniyyət sahəsində uğurlu əməkdaşlığa toxunan səfir bu ilin yazında Bakıda “Fransa inciləri” sərgisinin keçirildiyini qeyd edib. Sərgiyə 40 min adan baxıb.
Maliyyə naziri Samir Şərifov prezidentin və Azərbaycan hökumətinin təbriklərini çatdıraraq Bakı və Paris arasındakı münasibətlərə mühüm önəmin verildiyini diqqətə çatdırıb. O qeyd edib ki, Azərbaycanın MDB-də Fransanın ən iri ticarət tərəfdaşlarından biri və Cənubi Qafqazda ən iri tərəfdaşıdır. S. Şərifov Fransanın Azərbaycanın Avropa strukturlarına inteqrasiyasını və demokratik institutların formalaşmasını dəstəkləməsini yüksək qiymətləndirib.
Eyni zamanda S.Şərifov bildirib ki, Azərbaycan ATƏT-in Minsk Qrupunun həmsədri kimi Fransanı Qarabağ münaqişəsinin beynəlxalq hüquq normaları və Azərbaycanın ərazi bütövlüyü çərçivəsində nizamlanması üçün səyləri artırmağa çağırır. -06C--
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz