Fuad Əhmədli ad gününü karserdə qeyd etdi

Azərbaycan Xalq Cəbhəsi Partiyasının (AXCP) fəalı Fuad Əhmədli yanvarın 9-da 27 yaşını Kürdəxanı istintaq təcridxanasının uydurma bəhanə ilə bazar günü  salındığı karserində qeyd edib. Bu barədə Turan-a gəncin vəkili  Əsabəli Mustafayev bildirib.

 O, bazar ertəsi istintaq təcridxanasına baş çəkib, Əhmədli ilə görüşdən əvvəl öyrənib ki, o, yanvarın 8-də karserə salınıb.

Bu zaman Əhmədlinin valideynlərinin fəalla görüşünə icazə verməyiblər, hətta onlardan onun üçün ərzaq və ən əsası, ad günü münasibətilə tortu qəbul etməyiblər.

Vəkilin sözlərinə görə, dünən Əhmədli və kamera yoldaşı öz aralarında zarafatlaşıblar və bundan fəalın cəzalandırılması üçün istifadə olunub. Guya gənclər dalaşıblar və hər ikisi buna görə karserə salınıb.

Bazar ertəsi  Əhmədliyə elan olunub ki, istintaq təcridxanasının rəis müavinin qərarı ilə ona 5 gün karserdə saxlanılma cəzası tətbiq olunub.

Etiraz əlaməti olaraq Əhmədli aclıq elan edib. Gənci faktiki olaraq ad gününü karserdə ac keçirməyə məcbur ediblər, deyə vəkil Mustafayev qeyd edib.

 Əhmədlinin onsuz da zəif olan səhhəti aclıqla əlaqədar daha da pisləşib. Karserdə kamera yoldaşı həkim çağırmaq üçün qapını döyüb. Nəzarətçinin həkim çağırmaq vədinə baxmayaraq, həkim gəlib çıxmayıb.

Əhmədli vəkillə görüşdə Əhmədli çox halsız idi.

“Mən elə bilirdim ki, ayaq üstə dayana bilməyib yıxılacaq. Fuad bəy mənə bildirdi ki, karsda növbə rəisi olan Mahir adlı şəxs, orada nəzarətçi olan Fuad Qurbanov onunla çox kobud, təhqiramız davranırlar. Sonuncu şəxs Fuad bəyə açıq-aşikar düşmən münasibəti bəsləyir, ona zülm edəcəyi ilə hədə-qorxu gəlir.Bu hal Fuad bəyin karserə salınmasının əvvəlcədən planlaşdırılmış məsələ olduğunu, ona fiziki və psixoloji təsir etmək məqsədi güddüyünü nümayiş etdirir”, deyə vəkil qeyd edib.

O bildirib ki, Əhmədlinin şəxsi əşyalarını karserə aparmasına icazə verməyiblər. “O, iki gündür sabun, diş fırçası, dəsmal kimi ən elementar əşyalardan məhrum edilib. Karse həddindən artıq soyuqdur. Fuad isə orada kameredan çıxarılarkən əynində olan nazik jaketdə saxlanılır. Soyuq şəraitdə saxlanılması onun xəstəliyinin daha da şiddətlənməsilə nəticələnə bilər”, vəkil belə hesab edir. 

O, Penitensiar Xidmət rəhbərliyini ayrıca müraciət gözləmədən Fuad Əhmədlinin karserə salınmasının qanunauyğunluğunu, onun tibbi yardımdan məhrum edilməsi, təcridxana əməkdaşları Mahir və Fuad Qurbanovun onunla təhqiramiz rəftarı faktlarını araşdıraraq onlara hüquqi qiymət verməyə çağırıb.

AXCP fəalı Fuad Əhmədli 2016-cı il avqustun 18-də həbs olunub. O, CM-in 302 (əməliyyat-axtarış fəaliyyəti haqqında qanunvericiliyin pozulması) və 308.1 (vəzifə səlahiyyətlərindən sui-istifadə) maddələri ilə ittiham olunur.

    Baş Prokurorluq və Dövlət Təhlükəsizlik Xidmətinin birgə bəyanatında deyilir ki, “Azərfon” MMC-nin “Zənglər Mərkəzi”ndə operator işləyən Fuad Əhmədli şəxsi məlumatları, zənglərlə bağlı və digər gizli məlumatları ayrı-ayrı şəxslərə ötürürdü. Əhmədli həmçinin Fətullah Gülən şəbəkəsi ilə əlaqəli şəxs kimi qələmə verilir. Əhmədlinin evindən Gülənlə əlaqədar vərəqələr tapıldığı iddia olunur.

    Amma Əhmədli bu ittihamı təkzib edir və onu saxta və siyasi motivli hesab edir.

    Hüquq müdafiə təşkilatları onu siyasi məhbus kimi tanıyıblar. -05B06-