Fuad Qəhrəmanlı. Açiq mənbələrdən foto.
Bakı/18.08.20/Turan: Xalq Cəbhəsi Partiyası Rəyasət Heyətinin üzvü, həbsdə olan Fuad Qəhrəmanlının ailəsi onun həyatından narahatdır.
“İyulun 23-dən Fuaddan heç bir xəbər yoxdur, telefon etmir, başına nə gəldiyindən xəbərimiz yoxdur”, - ailə üzvü Turan-a bildirib. Onun sözlərinə görə, istintaq təcridxanasında F.Qəhrəmanlı üçün bağlama qəbul edirlər, amma bunu alıb-almadığı məlum deyil.
“Fuadın əvvəlki həbsi zamanı bizdən bağlamanı qəbul edirdilər və çirkli geyimlərini verirdilər. İndi bizə deyirlər ki, Fuad özü paltarını dəyişmək istəmir. Bu, çox şübhəlidir, çünki hər kəs geyimini dəyişmək istəməli və dəyişməlidir”, - müxalifətçinin ailə üzvü davam edib.
Penitensiar Xidmətdən şərh almaq mümkün olmayıb.
Xatırladaq ki, Fuad Qəhrəmanlı 15 iyul nümayişi ilə əlaqədar iyulun 23-də həbs edilib və CM-in 4 maddəsi, o cümlədən 278-ci maddəsi (hakimiyyətin zorla ələ keçirilməsi) ilə ittiham olunub.
Hüquq müdafiəçiləri bildiriblər ki, o, AXCP lideri Əli Kərimliyə qarşı ifadə verməsi üçün amansız işgəncələrə məruz qalır.—16B
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz