Gəncə iğtişaşları üzrə altı iş məhkəmələrə göndərilib

Bakı/07.02.19/Turan: 2018-ci ilin iyulunda Gəncədə baş vermiş iğtişaşlar üzrə altı iş Gəncə Ağır Cinayətlər Məhkəməsinə göndərilib.

Baş Prokurorluğun mətbuat xidmətinin məlumatında deyilir ki, bu işlər üzrə 51 nəfər keçir. Ümumilikdə Gəncə iğtişaşları üzrə 59 nəfər istintaqa cəlb edilib və həbsə alınıb, bir nəfər barəsində axtarış elan edilib.

Gəncənin keçmiş icra başçısı Elmar Vəliyevin həyatına sui-qəsd işi ilə bağlı "terror aktı, konstitusiya quruluşunu zorla dəyişdirmə və digər ağır cinayətlər törətmə cəhdində" ittiham olunan 29 nəfər saxlanılıb.

Daha 11 nəfər barəsində beynəlxalq axtarış elan edilib.

Xatırladaq ki, 2018-ci il iyulun 3-də Gəncə sakini Yunis Səfərov Elmar Vəliyevi öldürməyə cəhd edib. Mer yaralanıb, amma sağ qalıb. Hücum edən şəxs saxlanılıb. Bu aktın səbəbi daim şəhər sakinlərini təhqir edən və alçaldan Vəliyevin davranışı olub. Bir həftə sonra şəhər sakinləri merin istefası və səfərovun azad edilməsi tələbi ilə mitinq keçirdilər. Polislə qarşıdurma zamanı Gəncənin iki yüksək vəzifəli zabiti öldürülüb. -02D-