Bakı/07.02.19/Turan: Fevralın 5-i gecə baş vermiş zəlzələ nəticəsində beyninə qan sızmış və Şamaxı Mərkəzi Xəstəxanasına yatırılmış 58 yaşlı rayon sakinin vəziyyəti normallaşıb. Bunu xəstəxananın baş həkimi Səməd Fətəliyev bildirib.
"Xəstənin vəziyyəti sabitdir, artıq reanimasiyadan terapevtik bölməyə keçirilib. Bu xəstə şəkər diabetindən və qan təzyiqindən əziyyət çəkir. Zəlzələ zamanı həyəcan keçirib və beyinə qan sızması baş verib".
S.Fətəliyevin sözlərinə görə, zəlzələ zamanı xəsarət almış daha üç nəfər isə elə dünən evə buraxılıb.
Baş həkim deyir ki, fevralın 7-də daha 5 nəfər qan təzyiqindən əziyyət çəkmələrilə bağlı xəstəxanaya müraciət ediblər və ambulator yardım göstərildikdən sonra resept yazılaraq evlərinə buraxılıblar.
Xatırladaq ki, fevralın 5-i gecə Şamaxı da daxil olmaqla, bir neçə rayonda zəlzələ baş verib, zəlzələ nəticəsində xəsarət alan şəxslər olub. -0-
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz